Nzuá 15:8 - O Mikanda Ikola

⁸ Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Nzuá 15:8 ပူးပေါင်းရင်းမြစ်များ

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Ajeu 1:8

Bandenu ku mulundu, muize-ku ni thungu, phala mu tunge dingi inzu iami; o ki mu i tunga ia-nda ku ngi uabhela, mukonda muenhomo muene mua ku ngi jingisa eme, Jihova ua ki tange.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Matesu 5:44

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

Matesu 9:8

O mundu-phe, kia ki mono, uôma u a kuata, anga a ximana Nzambi ua bhana athu o nguzu kala kiki.

Luka 6:35

Zolenu-phe o jinguma jenu, a bhangienu o mbote. Sobhesenu, sé ngó kukakula muthu mba mu kinga ku mi vutuila ki mua sobhesa. O kisakidilu kienu anga ki kala kia dikota, hé mu kala mu anʼa Nzambi ia Diulu. Mukonda muène mukua kulendukila athu a kambe kusakidila, a bhukumuka.

Nzuá 13:35

Kiene kia mʼ ijidila ku athu oso, kuma muala mu jixibulu jami, se mua di zolo mu dienu.

Nzuá 15:5

Eme ngi muxi ua muvide, enu mu jithangu. Uoso u xala mo muami, eme ni ngi xala mo muê, ió u bhana ibundu iavulu; mukonda se mua batuka ko kuami, ki mu tena kubhanga kima.

Nzuá 8:31

Jezú anga uambela Jijudé ja mu xikana muène, uixi: Se mu xalela mu mambu mami, mu kala mu kidi mu jixibulu jami;

I Kolindo 10:31

Uila kiki, kixi mu kudia, kixi mu kunua, mba mu kubhanga kima kiosokioso, iene ioso i kale ia kuximanesa Nzambi.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Tito 2:10

Ka kale ni uii, ua kunhana ima ia jingana jâ. Inda a kale kiambote jifiiele, ediikize uthu ua mu ima ioso ia bhanga, phala a fuamese ulongelu ua Nzambi, Mubhuludi uetu, mu ima ioso.

Tito 2:5

Mbé a di longe ue kukuata kilunji, ni ku di bhaka ni kuzela. A kale ahatu ambote, akalakadi ku mabhata, alenduka, ni ku di tuma kiambote ni anumeʼâ, phala kana kuxingisa o Maka ma Nzambi.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.