Nzuá 15:22 - O Mikanda Ikola

²² Ene keju kala ni kituxi, se Eme nga kambele kuiza kuzuela-nâ. Maji o kiki-phe, kala dingi ni maditatu ma ituxi iâ.

Nzuá 15:22 ပူးပေါင်းရင်းမြစ်များ

Izekiiele 2:5

O ene-phe, kixi evua mba a kamba kuívua, (mbata ene ala dibhata dia ẋinuka) a-nda kuijiia-phe kuila mu kaxi kâ muejile musesedi.

Luka 12:46

Ngana ia mubhika ió ua-nda kuiza kizuua muène ka ki fika, ni ola muène ka ijiia, anga u mu tandujula ni jisanzu, hê u mu bhaka mu kutala hadi kumoxi ni akua makutu.

Nzuá 12:48

Uoso ua ngi di tunu, ua kambe kutambulula o maka mami, sai uoso u mu êlesa. Maka mami moso u nga tange, ene a ka mu êlesa mu kizuua kia kà suka-ku.

Nzuá 15:23

Uoso ua ngi zembe Eme, ua zembe ue Tata iami.

Nzuá 15:24

Eme se nga kambele kubhanga mu ʼaxaxe kâ o ikalakalu iíi, kana muthu luua a i bhanga, keju kala ni kituxi. Maji kala kiki-phe, a i mono, ia a jiji ni ku ngi zemba, ni ku zemba ue Tata iami!

Nzuá 16:9

Ene a juuala mù kuijiia ki kala o ituxi, mukonda a kambe ku ngi xikana eme.

Nzuá 19:11

Jezú, uixi: Eie kueju kala ni kutena kua ku ngi bhanga kima, se a kambele ku ku bana-ku kuala Nzambi ku diulu. Kienhiki, uoso ua ngi bhakula ko kué, muè uala ni kituxi kia dikota.

Nzuá 9:41

Jezú ua a vutuila, uixi: Se mua kexile mu ifôfo, ki mueju kala ni kituxi. Maji o kiki, ki muala kuila-phe, tua mono, kienhiki hanji kituxi kienu kia xalela.

Jipoxolo 17:30

Mu jithembu ja kukamba ku kʼijiia, Nzambi ua dixibhidiê. Maji o kiki-phe ua tumu athu oso mu ngongo kudiela ni kueha o ituxi iâ.

Loma 1:20

Kuma tunde Nzambi kia bhanga oxi, o ima iê-muène ia kambe kumoneka ku mesu, kutale o nguzu iê inanga, uixi o unzambi uê, ki i jimbi, mukonda ia di monekena. Kuma athu ia a jimbulukila mu imbamba ia bhanga Nzambi. Kala kiki, ene kala dingi ni maditatu.

Loma 2:1

Kienʼ iki, eie u muthu ua kime, uala mù kuêlesa akuenu? Kiosokioso ki u kalé, eie-muène ue ku lungu. Mukonda kioso ki u êlesa mukuenu, eie ue anga u kuata kubhanga ima iene imoxi, ua di êlesa eie-muène.

Tiiaku 4:17

Uila kiki, muthu uoso uejiia o kubhanga mbote, nʼa kambe ku i bhanga, kiene o kituxi kiê.

I Phetele 2:16

Kia di kalela mu jifôlo, ufolo uenu ki u kale divunga dia kusueka usueia, maji mu kala-phe mu abhika angene a Nzambi.