Nzuá 15:20 - O Mikanda Ikola

²⁰ Lembalalenu o maka u nga mi ambela, ngixi: Mubhika ka tundu ngana iê. Se a ngi zukutisa eme, enu uenu a mi zukutisa; se aiuka maka mami, enu a mi aiuka ue o maka menu.

Nzuá 15:20 ပူးပေါင်းရင်းမြစ်များ

Izekiiele 3:7

Maji o dibhata dia Izalaiele, ki dia-nda kuinda ku ku bhana mátui, mukonda ene ngua-uâ ku bhana matui kokuamiʼeme; mbata o dibhata dioso dia Izalaiele diène ni pholo ia huku ni muẋima ua kolokota.

Matesu 10:24

Xibulu ki i kala kota dia mesene iê, o mubhika ki u kala kota dia ngana iê.

Marku 10:39

Exi: Tua soko-bho. Kuala Jezú: Kidi! Dikáu di ngi nua eme, mu di nua muene; a mi bhitisa ue o batizu ia ngi batizala eme.

Luka 2:34

Ximinhá anga u mu benzela, hé uambela Madiia, manhiʼâ, uixi: Monʼóze Nzambi ua mu solo phala kukala ubhulukilu ni kusenguluka kua athu andumba mu Izalaiele. Mona iú ua-ndu kala kijimbuete kia Nzambi ki kuatesa jiphata ku athu avulu.

Luka 6:40

Xibulu ki i tundu mesene iê ua mu longo. Suke xibulu ioso ki i zubha ku di longa, i soka ni mesene iê.

Nzuá 10:31

Jijudé bhenhobho anga a bonga matadi ma ku mu jibha na-u.

Nzuá 11:57

O makota ma jinganga-phe, ni jifalizeu, a bhele ngonge kuma se bhuala muthu ua mu ijiia bhuoso bhuala, a mu tukulule, ene ni a mu kuate.

Nzuá 13:16

Mbata ni kidi kiene, ngi mi ambela: Mubhika ka tundu ngana iê, o mukunji ka tundu uoso ua mu katula.

Nzuá 5:16

Mukonda dia kiki, Jijudé ji kala mù zukutisa Jezú, kuma ua bhange ima iíi mu kizuua kia Sábhalu.

Nzuá 7:32

Jifalizeu jevu athu mu kifuẋi ala mu ku di fuetela imʼiíi; makota ma jinganga ni jifalizeu, anga a tuma-ku masoladi ku mu kuika.

Nzuá 8:51

Kidi kiene ngi mi ambela: Se muthu uaiuka o maka mami, kà monʼ ê dingi kalunga.

Nzuá 8:52

Jijudé ji mu ambela, exi: Kiki tuejiia kiá kuma eie uala muene ni dimonho! Mbalahamu ua-fua, jipolofeta ja-fua, eie-phe uixi: Muthu uoso uaiuka o maka mami, kà monʼ ê kalunga!

Nzuá 8:59

Ene a bonga matadi ma ku mu takula, maji Jezú-phe u di sueka, anga u tunda mu Tembulu.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

I Kolindo 4:12

Tu tala hadi mu kukalakala ni maku phale kumona kia kudia. Ela a tu xinga, etu tu benzela. Ela a tu zukutisa, etu tu kolokota ni kinhenge.

II Kolindo 4:9

Nguma ji tu vula, maji ki tu kambe dikamba. Sai ni bhabha a tu kuama, maji ki tu jimi o mbutu.

I Tesalonika 2:15

Kuma o Jijudé edi ni kujibha Ngana Jezú, ni kujibha o jipolofeta jâ, ni ku tu kaiesa etu. Athu a kamba kuuabhela Nzambi, ia a di bhange jinguma ja mundu uoso.

II Timote 3:12

Kiene muene! Ene oso kiá a sola kuenda mu ukidistá kala ki andala Nzambi mua Kristu Jezú, andù tala hadi ni ku a zukutisa!

I Samuuele 8:7

Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.