Nzuá 15:2 - O Mikanda Ikola

² Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 15:2 ပူးပေါင်းရင်းမြစ်များ

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jisálamu 92:14

Katé ni mu ukukilu, hanji ema ibundu; a kà buingita muene kiavulu, a zanda.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izaía 29:19

Oso a belesela a kà kala ni ngalasa, kutunda ngalasa, kuiza ngalasa, o ngalasa mua Jihova; jiphulungu ku mundu, a kà tanena kua Dilemba dia Izalaiele.

Daniiele 11:35

Amoxi ku athu a tetuluka kilunji a kà dibhala, mbé o ku a lola kujiza kuâ phala ku a eẋika ni ku a zelesa-phe, katé bhua kà bhuila o kithangana, mukonda o thembu ia dizubhilu ki iza, katé bhu kithangana kiê kioso kia tokala kia i xindi.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

Matesu 13:12

Kuma uoso uala, muène a mu bhana, mbé a kale ni kiavulu. O uoso-phe kala, ni kiki kiala na-kiu a mu tambula-kiu.

Matesu 13:33

Anga u ambela kifika kia mukuá, uixi: Utuminu ua Diulu ua difangana ni kithûthume, a ki katula kuala muhatu, anga u ki sueka mu izongelu itatu ia fuba, katé iene ioso ia futunuka.

Matesu 15:13

Jezú-phe ua vutuila, uixi: Kidima kioso kia bhingi Tata iami mu diulu ki muène ua ki phaphe, ki bhinga ku ki vuza.

Matesu 21:19

Kia mono mufiku bhu mbanduʼa njila, u bhiẋila-bhu. U sanga-phe kana-ku kima, máfue ngó mala-ku. Muène anga u uambela, uixi: Ko kué ki kuà kale dingi kibundu! Muẋi anga u lela kindala.

Matesu 25:29

Mbata uoso uala kiá, a mu bhana nʼa kale ni kiavulu. Uoso-phe kala, katé ni kiki kiofele kiala na-kiu, a mu tambula-kiu.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Matesu 7:19

Muẋi uoso u kamba kuima ibundu iambote, a u kokela bhoxi, hé a u texi mu túbhia.

Marku 4:20

Oso-phe a a kuu mu mavu ma mbote, enhá, ki evua maka, a ma tambulula kiambote, anga a bhana ibundu; bhu kala lumbundu lu bhana makuinhi atatu a jimbundu, lulu makuinhi-a-samanu, lulu hama.

Luka 8:13

Oso ala ku thanduʼ a matadi, ene, ki évua o maka, a ma tambulula kiambote; ene-phe kuma a kambe jindanji, a xikana ngó kathangana, o bhu kumbi dia phaxi, a lémbua-ku kiá.

Nzuá 15:1

Eme ngi muxi ua muvide ua kidi, o Tata iami muène kidimakaji.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 15:3

Enu mua zele kiá, mukonda dia maka u nga mi longo iá.

Nzuá 15:6

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

Nzuá 15:8

Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Nzuá 17:12

Kioso ki nga kexile-nâ mu ngongo, nga a bhakele mu kutena kua dijina dié. Nga engi, oso ua ngi bhana-nâ, ki bhu texika muthu, kikale iuná ngó o kilalu kia mona, ua texika-bhu, mu kubhitisa o maka mòsoneke mu Mikanda Ikôla.

Loma 11:17

O kiki o jithangu jamukuâ ja mudiva ua kudima, a ji bukuile-ku, eie u luthangu lua mudiva ua muxitu iá a ku phaphe ku kixina muʼ axaxe ka jithangu. Kiene ue enu ki mu Jijudé, mua di bhange kala o mudiva uenʼ ió ku muxitu, kindala mua tambula ku nguzu ni ku umvuama ua muenhu ua Jijudé.

Loma 11:22

Talesenu o kulenduka ni kutema kua Nzambi: Kua ene a di bhale, muène ua tema; ko kuenu-phe, ua lenduka, enu ki mu jiza mu kulenduka kuê. O ki mu kamba kujiza, enu ue hadia a mi batula-ku.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

I Kolindo 13:1

Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.