Nzuá 15:18 - O Mikanda Ikola

¹⁸ Jezú anga ua tangela dingi uixi: O mundu se ua mi zembe, ijiienu-kiu kuma ua diangele ku ngi zemba eme.

Nzuá 15:18 ပူးပေါင်းရင်းမြစ်များ

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

Jisabhu 29:27

Muthu ua bhumu, o mukua mangonha, u di bhanga kisunji phala athu aiuka; o mukua mauendelu ma kidi ue, u di bhanga kisunji phala muthu ua bhumu.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Matesu 10:22

Enu a kà mi zemba kuala athu oso mukonda dia dijina diami. Uoso-phe u kolokota katè bhu dizubhilu, muène uà bhuluka.

Matesu 24:9

Kienhókio, a kà mi bhakula mu ku mi talesa hadi, ni ku mi èlesa, ni ku mi jibha. A kà mi zemba kuala akua jixi joso mukonda dia dijina diami.

Matesu 5:11

Mua zediua enu, kia mi xinga, kia mi zukutisa, kia mi âmba ima iaibha iavulu ia makutu, mukonda diami eme.

Marku 13:13

A ka mi zemba kuala athu oso, mukonda dia dijina diami. Maji uoso-phe u kolokota kate bhu dizubhilu, muene u bhuluka.

Luka 6:22

Mua zediua, athu se a mi zembe, a mi katula mu ukamba uâ, a mi lebhula, a mi texi dijina dienu kuma exi mu athu aiibha, mukonda dia Monʼa Muthu.

Nzuá 16:1

Muène anga u zuela dingi, uixi: Nga mi ambela imʼiíi, phala ki mu zonde ni i mi bhangesa ku di bhala.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 3:20

Mbata oso a bhanga kiaiibha, a zemba mukengeji, keza ku mukengeji phala ima iâ ia bhanga ki i tukuluke ni i moneke ku athu.

Nzuá 7:7

Mundu ki u tena ku mi zemba enu, maji ua ngi zembe eme, mukonda ngi mbangi, ngixi ikalakalu iâ iaiibha.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Nzuá 3:13

Ki mu di uane-kiu, enu phange jami, se mundu ua mi zembe.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.