Nzuá 15:14 - O Mikanda Ikola

¹⁴ Enu mu makamba mami se mu bhanga ima ioso i nga mi tumu.

Nzuá 15:14 ပူးပေါင်းရင်းမြစ်များ

I Jisobha 4:5

Azadiia, monʼa Natane, u tambula konda ia jikapataji; o Zabudi, monʼa Natane, muene kamba dia sobha, mukua ku mu bhana o jikaiula;

II Jisobha 18:6

Mukonda ua di-bande kua Jihova, o kuene ka tundu-ku dingi, iu uaiuka jinga o ijila ioso ia bhele (Jihova) kua Mozé.

II Malunda 20:7

Manhi, Eie u Nzambi ietu, akua ixi iii, a tungile-mu, Eie ku a kaiela kuengi, bhu pholo ia mundu ué ua Izalaiele, eie ua bhana ixi iâ ku mbutu ia Mbalahamu, kamba dié, ku mivu ki iene kúbhua?

Makatukilu 7:6

Mozé ni Alá anga a ki bhanga; kala kioso kia a tumu Jihova kiene muene kia bhange.

Jisabhu 18:24

Muthu u vula makamba, ua-lu di sotela kukakuka; maji sai-phe dikamba di beta kota, o phange ndenge.

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Izaía 41:8

Maji eie-phe, Izalaiele, u selevende iami, eie, u Jakobo, u muthu nga ku tungula, u mbutu ia Mbalahamu dia kamba diami,

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Izekiiele 12:7

Eme nga bhange kienhiki, kala kia ngi tangela; imbamba iami nga i bheka bhu kanga mu muanha uatu kala muthu ua mu taúla; o ku tula mu ngoloxi, nga kande mu mutôto ni lukuaku; o ki kua vundu, imbamba nga i katuila bhu kanga, eme nga i ambata bhu isuxi, ene oso muene iá a tala.

Matesu 12:50

Mbata uoso u bhanga o vondadi ia Tata iami uene mu diulu, muène phange iami ia diiala, muène phange iami ia muhatu, muène mamʼetu.

Luka 12:4

Jezú anga uamba dingi, uixi: Nga mi ambela mu makamba mami: Kana kukala ni uôma ua iá a jibha o mukutu, o ki a zubha ku u jibha, ka tena kubhanga dingi kima.

Nzuá 13:17

Kindala ima iíi se mua ijiia, mu zediua se iene i mu bhanga.

Nzuá 14:15

Jezú uixi dingi: Se mua ngi zola, alukenu o ijila iami.

Nzuá 14:21

Uoso ua kuata o ijila iami, anga u i aiuka, muène muthu ua ngi zola. Uoso-phe ua ngi zola, Tata iami u mu zola, eme ngi mu zola, ngi di tukulula kua mùene.

Nzuá 14:28

Enu muevu ki nga ki tange, ngixi: Ngala kuia, maji hinu ngiza mu kukala ni enu. Se mua ngi zolele, mueju sanguluka, mukonda dia kuijiia kuila ngala kuia kua Tata, kuma o Tata uala kota, eme ndenge.

Nzuá 2:5

Manhiʼ â uambela akua-mbèle, uixi: Muène, kioso kia mi tuma, bhangenu-kiu.

Tiiaku 2:23

Kienhiki, o kia-mbe mu Madivulu Makôla anga ki bhita kiedi, exi: Mbalahamu ua xikana Nzambi, o mu kuxikana kuê muene Nzambi mua mu xikinina ni ku mu tanesa kuma ua lungu. Nzambi anga u mu ixana, uixi: Kamba diami Mbalahamu.

I Nzuá 5:3

Kuma o henda ia kuzola Nzambi ienhiʼii, o kualuka o ijila iê. O ijila iê-phe ki ia bhonzo ku i aiuka,

Lute 3:6

Anga u kulumuka bhu kienda, u bhanga kioso kia mu longesa ukouʼê.