Nzuá 15:11 - O Mikanda Ikola

¹¹ Nga mi ambela imʼiíi, phala o kusanguluka kuami ku kale moxi dienu, o kusanguluka kuenu ku tenene.

Nzuá 15:11 ပူးပေါင်းရင်းမြစ်များ

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Izaía 62:4

Ki bhu kala dingi o ku ku luka exi: Na-Ubheka, ni oxi ié ka kà i luka dingi exi, Kibuila; inda a kà ku luka: Ngina-hate; oxi ié-phe exi, Sakani; mbata Jihova ua di-uabhela nʼeie, oxi ié ia kà sakana ni muene.

Jelemiia 32:41

Anga ngʼenda ni ku sanguluka muene mukonda dia ene, kioso ki ngiia ni ku a bhanga o mbote, hé ngʼa kuna muene mu ixi muenhumu, ku kidi kiene, ni muẋima uami uoso ni muenhu uami uoso.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Luka 15:23

Bekenu kangombe kanete, mu ka jibhe, tu die, tu sanguluke!

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Luka 15:5

O kia i sanga, u i ta bhu isuxi, hé uiza na-iu ni kusanguluka.

Luka 15:9

O kia ki sanga, uixana o makamba mê, ni akua-bhata diê, uixi: Ngi tanesienu, mu sanguluke kumoxi ni eme, mukonda nga bongo o kíphaka kiami kia ngi jimbidile.

Nzuá 16:24

Katé ni kiki, ki mu kexi mu kubhinga luua kima mu dijina diami. Bhingenu kiá nda mu tambule, o kutana kuenu ni kuvule kutenena.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 17:13

Kiki-phe ngiza kiá ko kué. Maji imʼiíi-phe nga i zuelela mu ngongo phala o ngalasa iami ni i tenene moxi dia miẋima iâ.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

II Kolindo 1:24

Ki kuila tuala ni ukota ua kutumina o kuxikana kuenu, maji tuala tu akuatekexi a ngalasa ienu.

Efezo 5:18

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi.

Filipe 1:25

Sai-phe kudielela ku ngala naku, kua ngʼ ijidisa kuma nganda kuxala, ngi xikama hanji ni enu oso, mu ku mi bheka dingi ku pholo, ni ku mi bhekela kusanguluka mu kuxikana.

I Tesalonika 5:16

Izuua ioso sanguluka jingʼenu;

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

I Nzuá 1:4

Imʼiii tua mi sonekena-iu, phala tu kale ni kusanguluka kua tenena.

II Nzuá 1:12

Ngala ni maka mavulu ma ku mi tangela, maji ku a ta ku phaphela ni tinda-phe, ki kiene ki nga mesena. Mukonda ngandala kuila hinu ngi mi sanga, ni tu di kunde pholo ni pholo, phala ngalasa ietu i tenene.