Nzuá 15:1 - O Mikanda Ikola

¹ Eme ngi muxi ua muvide ua kidi, o Tata iami muène kidimakaji.

Nzuá 15:1 ပူးပေါင်းရင်းမြစ်များ

Mukumbi ua Mikumbi 7:12

Tua kà di meneka jinga mu kimenemene ngó, tu balumuka phala kuia ku mábhia a mivide; tu talesa se mivide iandeka kiá kusabhuluka, anga tu kengelela se itulu iê ia temuka kiá, tu sota kumona mba o miẋi ia jilomá ia sabhuluka iii ia te kiá itulu muenʼiomo muene mu nga kà ku bhela o henda jami ja vulu kinéne.

Izaía 4:2

Bhu kizuua kiná o Ndombo ia Jihova ia kà kala ditunda, ni kijingo; oso a subhuka mu Izalaiele a kà mona uuabelu ua kibundu kiaʼxi, kuma kima kia ujitu.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Jelemiia 12:10

Abidi a nzungule a ngi senguluila o mulenga uami ua mivide, a diata-diata díbhia diami, o díbhia diami di ngʼene mu kuinda a di kitula kikangalakata kia hatu.

Jelemiia 2:21

Eme muène nga ku phaphele kala muvide ua mbutu ia uabha, mbutu ia mbote ia kitongola; ua kituka kiebhi-phe u mbutu ia seluka, kala muvide ua muxitu?

Izekiiele 19:10

Mamʼenu, mu ku di xibha kuê, uedile kala muẋi ua muvide, uòphaphe ku mbanduʼa ngiji; uene uima ibundu hé uizala jithangu mukonda dia imenha ia vulu.

Hozeia 10:1

Izalaiele ua di bhange muvide ua di zandela, uala kuima ngó ibundu phala muene; kia vulu ibundu iê, kiene ue kia di vudixila jikalatódio jê; kala kia uabha oxi iâ, kiene ue kia di iudikila o iteka iâ ia matunda.

Zakadiia 3:8

Ivua-phe, Josuué, u nganga ia dikota, eie ni akuenu a mu xikama bhu pholo ié, kuma mu ala mu azambuidi; eme-phe nga kà bhangesa kuila mubhikʼami uà kèza, Luthangu lua Ubhe.

Matesu 15:13

Jezú-phe ua vutuila, uixi: Kidima kioso kia bhingi Tata iami mu diulu ki muène ua ki phaphe, ki bhinga ku ki vuza.

Matesu 20:1

Kuma Utuminu ua diulu ua difangana ni muthu, mukua dibhata, u tunda mu kimene mu kukasa jingunza aia ku mulenga uê.

Matesu 21:33

Ivenu kifika kiamukuá: Kua kexile mukua dibhata, u dimisa mulenga, u u xita kikonzo, u kanda-mu ditangi dia kukamena vinhu, hé u tunga-mu inzu ia matala ia kulangidila, anga u u lukalesa ku idimakaji, anga uia ixi iengi.

Marku 12:1

Anga Jezú u kuata ku a tela ifika, uixi: Kukala muthu u dimisa mulenga ue ua mivide, u u xita kikonzo, u kanda ditangi dia ku kamena vinhu, he u tunga kithungu kia di leka phala dikengelelu dia ku talesa ioso mu dibhia, anga u u lukalesa ku jingunza, muene uia kuengi mu uenji.

Luka 13:6

Anga Jezú u ta kifikʼiki: Sai muthu u kala ni muxi ua jifiku uòphaphe mu dibhia diê. Anga uiza mú sota-ku jifiku, maji ka ji mono.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 6:32

Kuala Jezú: Kidi, kidi, ngi mi ambela: Mozé ki muene ua mi bhana o mbolo ia diulu; maji Tata iami u mi bhana o mbolo ia diulu, ia kidi.

Nzuá 6:55

Kuma o xitu iami kúdia kua kidi, o manhinga mami kùnua kua kidi.

Loma 11:17

O kiki o jithangu jamukuâ ja mudiva ua kudima, a ji bukuile-ku, eie u luthangu lua mudiva ua muxitu iá a ku phaphe ku kixina muʼ axaxe ka jithangu. Kiene ue enu ki mu Jijudé, mua di bhange kala o mudiva uenʼ ió ku muxitu, kindala mua tambula ku nguzu ni ku umvuama ua muenhu ua Jijudé.

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

I Nzuá 2:8

Kuma o kijila ki nga mu mi sonekenʼiki, kia ubhe muene, mukonda o kidi kiê a ki muena mua Kristu ni momuenu. Mbata o usuku iú ukia, o mukengeji ua kidi uandeka kiá o kumuika.