Nzuá 14:23 - O Mikanda Ikola

²³ Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 14:23 ပူးပေါင်းရင်းမြစ်များ

Dimatekenu 1:26

Nzambi anga u zuela, uixi: Tu bhangienu muthu mu kidifuanganu kietu, a bhabhelele ku kijingo kietu, a tumine ku jimbiji jendela mu menha, ni ku jinjila ji bhita bhulu, ni ku ibhaku, ni ixi ioso, ni ku ibamba iendela ku mavu.

Dimatekenu 11:7

Ndokuenu, tu tuluke, tu a bhidike mu kuzuela kuâ, phala a lémbue ku dʼivua mudiâ.

Jisálamu 90:1

Ngana, eie u kibuta kietu, kutunda muiji kuiza muiji.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Nzuá 10:30

Mbata eme ni Tata, etuʼ ene umoxi.

Nzuá 14:15

Jezú uixi dingi: Se mua ngi zola, alukenu o ijila iami.

Nzuá 14:17

O mundu ki u tena ku mu tambulula, mukonda ka mu mono, ka mu ijiia. Enu-phe mua mu ijiia, mukonda mu xala-nê, u kala moxi dienu.

Nzuá 14:21

Uoso ua kuata o ijila iami, anga u i aiuka, muène muthu ua ngi zola. Uoso-phe ua ngi zola, Tata iami u mu zola, eme ngi mu zola, ngi di tukulula kua mùene.

Nzuá 14:24

Uoso ua kambe ku ngi zola, kʼ aiuka maka mami. O maka-phe u muala kuívua, ki mami eme, kana; maji ma Tata ió ua ngi tumu.

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Nzuá 16:27

Mbata Tata muène ua mi zola, mukonda enu mua ngi zola eme, enu mua ngi xikana kuma eme nga tundu kua Tata.

Nzuá 6:56

Uoso u dia o xitu iami, hé u nua manhinga mami, muène u xala momuami, eme ue ngi xala mo-muê.

Nzuá 8:51

Kidi kiene ngi mi ambela: Se muthu uaiuka o maka mami, kà monʼ ê dingi kalunga.

Nzuá 8:52

Jijudé ji mu ambela, exi: Kiki tuejiia kiá kuma eie uala muene ni dimonho! Mbalahamu ua-fua, jipolofeta ja-fua, eie-phe uixi: Muthu uoso uaiuka o maka mami, kà monʼ ê kalunga!

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

I Nzuá 2:24

Kala kiki, enu-phe njimbu ioso i muevu tunde ku dimatekenu, i mi tunge moxi dienu. Mukonda, o ki kala njimbu ioso i muevu tunde ku dimatekenu, i tunga moxi dia miẋima ienu, enu-phe mu kala mu ukamba kumoxi ni Mona ni Tata.

I Nzuá 2:5

Uoso-phe u aiuka o maka mê, ni kidi kiene moxi diê muala o henda ia Nzambi ia soko. Bhene bhu tu kʼijidila kuma tuala kumoxi ni Nzambi.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.

I Nzuá 5:3

Kuma o henda ia kuzola Nzambi ienhiʼii, o kualuka o ijila iê. O ijila iê-phe ki ia bhonzo ku i aiuka,

II Nzuá 1:6

Kala kiki, o kuzola-phe ku kala kiki, kuila tu kaiela mu ijila ia Nzambi. Kiene o kijila ki muevu tunde ku dimatekenu, kuma kiene ki muenda na-kiu, kuila: Kolokotenu ni ku di zola mudienu.

Dijingunuinu 21:22

O mu mbanza muene-phe ki nga mono-mo Tembulu, kuma o Ngana Nzambi, Kutènde, ni Kambudi, ene o Tembulu iê.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.

Dijingunuinu 22:3

Ku mbanza koko ki kuà kala dingi kima kioso-kioso kiòbhubhidile kuala Nzambi. O kiandu kia Nzambi, ni kia Kambudi, kià kala muenhomo, o jiselevende jê jà kala mu ku mu bheza jinga.