Nzuá 14:2 - O Mikanda Ikola

² Sai ididi iavulu ku bhata dia Tatʼetu, kuenhoko-phe eme ngala kuia ku mi iudikila-ku kididi. Se kua kexile kiengi, eme hinu ngeji ku mi ambela-kiu.

Nzuá 14:2 ပူးပေါင်းရင်းမြစ်များ

Luka 14:22

Ki bhua bhiti kithangana, mubhika anga uiza, hé uambela ngana iê, uixi: Ngana, kioso kia ua tumu nga ki bhange kiá, hanji-phe sai kididi.

Nzuá 13:33

Enu tuana tuami, ki nga-ndu kala dingi ni enu kithangana kiavulu. Enu mua-ndu ngi sota, maji kindala ngi mi tangela, kala-phe ki nga tangela kiá Jijudé, ngixi: Enu ki mu tena kuiza kuoso ku ngiia, kiene ue ku nga mi tangela enu.

Nzuá 13:36

Ximá Phetele, uixi: Ngana, eie uia kuebhi? Jezú uixi: Kindala kuoso ku ngiia, eie kutena luua ku ngi kaiela. Maji ua kà ngi kaiela hádia.

Nzuá 14:28

Enu muevu ki nga ki tange, ngixi: Ngala kuia, maji hinu ngiza mu kukala ni enu. Se mua ngi zolele, mueju sanguluka, mukonda dia kuijiia kuila ngala kuia kua Tata, kuma o Tata uala kota, eme ndenge.

Nzuá 16:4

Maji eme nga mi ambela-phe imʼiíi phala kʼ iza o kumbi diê, mu ki lembalale kuma eme nga mi ambela-kiu kiá. Ki ngi mi ambelele na-iu tunde ku dimatekenu, mukonda eme nga kexile hanji ni enu.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Jipoxolo 9:16

Eme-muène ngi mu longesa o jiphaxi javulu ja bhingi kuila muène u ji bhita mukonda dia dijina diami.

II Kolindo 5:1

Mukonda tua kʼijiia kuila kioso kia-nda kubudika o fundu iii mu tua tungu, uene o mukutu uetu mu ngongo mumu, Nzambi ku diulu hinu ua kà tu bhana inzu mu tu tunga. Inzuʼoio-phe a i tungu kuala Nzambi muene, i xalela-ku kiá katé ku hadia ni hadia.

I Tesalonika 5:9

Kuma Nzambi ka tu solo phala kutambula kaxtiku kokuê, maji ua tu lekelela o kubhuluka kua Ngana ietu Jezú Kristu.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 11:10

Mukonda Mbalahamu ua kingile dibhata di kala ni madisesa ma nange nena, o mesene iê ni mutungi muène Nzambi.

Jihebeleu 13:14

Kuma mu ngongʼumu ki tuala-mu ni dibhata di nangenena, maji tua mu sota dibhata hinu dià keza-ku.

Jihebeleu 6:20

Kuenioko kuene kua tu tuamenena kubokona musonguedi uetu, Ngana Jezú. Muene iú ua di bhange Nganga ia Dikota i xalela-ku, mu kihindu kia ungana ua Melekizedeke.

Jihebeleu 9:8

Mu ku bhanga kiki, o Nzumbi Ikôla ua tu longo ni kutetuluka kuoso kuma o njila ia kubokona mu Kididi-Kikôla-Kinéne kiluua i jikuka, kioso o balaka ia kangʼoio hanji ialé kieniokio.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 21:2

Anga eme, ngi Nzuá, ngi mona o Mbanza Iangene, Jeluzaleme iòbhe, iala mu tuluka ku diulu. Ia mu tunda kua Nzambi, ia di iudika kiambote, ia kembe mukuâ ni dibhanga dia kembela kuia mu kutakanesa ni muadi uê.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.