Nzuá 14:12 - O Mikanda Ikola

¹² Kidi kiene, ngi mi ambela: Uoso ua ngi xikana eme, ikalakalu i nga mu bhanga eme, muène ue u i bhanga, katé u bhanga ue hanji ia tundu, mukonda eme ngala kuia kua Tata.

Nzuá 14:12 ပူးပေါင်းရင်းမြစ်များ

Matesu 21:21

Jezú u a vutuila, uixi: Kidi kiene ngi mi ambela: Se mu kala ni kuxikana, sé phata, kia di bhange ku mufiku, ki kiene ngó ki mu bhanga, maji né mbe muà kela mulundu iú: Zangumuka bhobho, ua kà di kuzule mu ʼalunga, kiene ki di bhanga!

Marku 11:13

O kia mono mufiku mu kanga, uala ni ifuakasa, u bhixila, sumba u bonga-ku tufiku. Kia u bhiẋila-phe, u sanga ifuakasa ngo iala-ku, kuma ki iene o thembu ia jifiku.

Marku 16:17

Ijimbuete iíi kaiela io oso a xikana: Mu dijina diami, a ka tundisa madimonho, a ka zuela ni madimi mengi;

Nzuá 14:28

Enu muevu ki nga ki tange, ngixi: Ngala kuia, maji hinu ngiza mu kukala ni enu. Se mua ngi zolele, mueju sanguluka, mukonda dia kuijiia kuila ngala kuia kua Tata, kuma o Tata uala kota, eme ndenge.

Nzuá 16:7

Né-mbé-phe kiene, nga mi ambela kidi: Enu mu beta kubhanduluka se eme ngaii. Mukonda, eme se nga kambe kuia, o Mukuatekexi ió kʼ eza luua ku muala. Maji eme-phe se ngaii, ngi mu tumikisa ko kuenu.

Nzuá 4:37

Mbata, mu kiki, Sabhu ia zuela kidi, exi: U kuna o jimbutu uengi, o u bhongolola idima uengi.

Nzuá 5:20

Mbata Tata ua zola o Mona, ua mu idikiza ima iene mù bhanga. Ua-nda ku mu idikiza dingi ue ikalakalu ia tundu iíi, enu ni mu diuane.

Nzuá 7:33

Jezú anga u zuela, uixi: Ngala hanji ni enu kathangana kòfele; ki ka bhita, ngiia kua ió ua ngi tumu.

Nzuá 7:39

Mu kuzuela kiki, Jezú ua kexi mú tanga o Nzumbi, a-ndu mu tambula kuala oso a mu xikana. Mbata ene o Nzumbi ka mu tambuile luua, mukonda Jezú kiluua a tambula o ungana.

Jipoxolo 10:46

Kuma ene a evu kuzuela ni madimi mengi, ni kujingisa unene ua Nzambi. Phetele anga u kumbulula, uixi:

Jipoxolo 16:18

Munzangala muenʼiú anga u ki bhanga izuua iavulu. Phaulu-phe kuma kia mu iibhila kiavulu, ua mu alulukila, hé uambela o dimonho, uixi: Nga ku tumu, mu dijina dia Jezú Kristu, kutunda mu mukutu uê. Anga di tunda kithangana kieniokio.

Jipoxolo 19:12

Katé se jihaxi a ji bhekela malesu, mba jiponda, ja tundu ku mukutu uê, o haxi nʼa ji babata, o kukata kubhua, o nzumbi jaiibha ji tunda.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Jipoxolo 2:41

Bhenhobho-phe avulu a tambulula o njimbu ia Phetele, anga a a batizala. Ku iá a mu kaiela Jezú, anga ku di banda kua ene kizuua kienhokio, manhi mba midi jitatu ja mienhu ia athu.

Jipoxolo 4:16

exi: Mala iá, tu a bhanga kiebhi? Kuma kisuma kia dikota kidi ki a kalakala, kia di monekena ku akua Jeluzaleme oso, etuene ue ki tu tena ku dituna-kiu.

Jipoxolo 4:33

Jipoxolo anga a bhana ni kutena kuavulu umbangi uâ ua kufukunuka kua Ngana Jezú. Anga kukala kiadi kiavulu kia Nzambi ku thandu dia ene oso.

Jipoxolo 4:4

Ku athu evu o maka-phe, ku kala avulu a xikana. O mundu ua ia a xikana, anga u tena konda ia midi jitanu.

Jipoxolo 5:15

Mukonda dia isuma ni madiuanu a bhanga jinga o Jixpoxolo, kia bhangesa katé mundu ambatele jihaxi bhu kanga mu jiluua, a zeka bhu jihama ni bhu mianza, bhu maxisa, phala ki bhita Phetele, imoxi o kizuzumbia kiê ngó ki a tula.

Jipoxolo 6:7

Kienʼiki maka ma Nzambi anga ma kuata ku sambuka. O mundu ua jixibulu hé u sokoloka kiavulu mu Jeluzaleme. Ku kala ue ni kibuka kia dikota kia jinganga a xikana kutumaka kixikanuʼiki.

Jipoxolo 8:7

Kuma ku kala athu avulu o nzumbi jaiibha jala na-ju ji tunda ni ku di kola; avulu a kate kila, ni iá a nemana, anga a disanza.

Jipoxolo 9:34

Phetele anga u mu ambela, uixi: Eneia, Jezú Kristu ua ku sake. Balumuka, u bhange o hama ié. Muène kithanganʼ okio u balumuka.

Jipoxolo 9:40

Phetele-phe ua tumu ku a tundisa ene oso, anga u fukama, u samba. Anga u lunguluka kuala o kimbi, uixi: Tabita, balumuka! Muêne anga u tona o mesu, o kia mono Phetele, u bhetuka, hé u xikama.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.