Nzuá 14:1 - O Mikanda Ikola

¹ Muẋima Ki u mi titile, anga mu tandanganha ni malamba. Dielelenu Nzambi; eme uami ngi dielelienu.

Nzuá 14:1 ပူးပေါင်းရင်းမြစ်များ

Jisálamu 43:5

Ua bhuidila-hi muẋima uami? Ua zôndela-hi moxi diami? Dielela kua Nzambi, kuma hinu ngi mu ximana dingi. Mbata muene o kusangumuka kua pholo iami, muene Nzambi iami.

Jisálamu 77:10

Ngixi-phe: Kiki kia ngi bhonzo! maji-phe nga lembalala o mivu ia lukuaku lua dilu lua Suke-ku.

Izaía 26:3

Eie, Jihova, uoso ua te muẋima ua tenena kokué, eie ua kà mu bhaka ni kutululuka kua kidi, mukonda muene ua ku dielela eie.

Jelemiia 8:18

Uá! se eme nga tenene ku di konda dilamba diami, tata! muẋima uami iú jila moxi.

Nzuá 11:33

Jezú bhenhobho, kia mono Madiia kudila, ni Jijudé jí dila, eza-nê kumoxi, u kumba ku muẋima uê, malamba a mu kuata,

Nzuá 12:27

Jezú uixi dingi: Muẋima ua ngi kenanana! Ngʼ ila kiebhi? Tata, ngi bhulule, kumbi didi ki di ngi tule? Kana! Kiene muene kia ngi bheka, eme nga bhixila bhu kumbi dienhidi.

Nzuá 12:44

Jezú anga u di kola, uixi: Uoso ua ngi xikana eme, ki eme ngó a ngi xikana, ua xikana ue ni ió ua ngi tumu.

Nzuá 13:19

Kindala nga-lu tuama ku mi ambela-kiu, kioso kiluua ki bhita, phala ki ki bhita, mu xikane kuma Eme-Muène-muene Kala dia kala.

Nzuá 16:24

Katé ni kiki, ki mu kexi mu kubhinga luua kima mu dijina diami. Bhingenu kiá nda mu tambule, o kutana kuenu ni kuvule kutenena.

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Nzuá 16:6

Suke mukonda nga mi ambela imʼiíi, miẋima ia mʼizala ni malamba.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Nzuá 6:40

Mbata o vondadi ia Tata iami ienhiʼii: Kuila uoso ua tale ku Mona, iú ua mu xikana, a kale ni muenhu ki úabhua; eme-phe ngi mu fukununa mu kizuua kia kà suka-ku.

II Kolindo 2:7

Uila kiki, inda mu lunguluka kiá hé mu mu loloka, ni ku mu konda malamba, phala ka bhondalale ni mukondo uavulu kinéne u mu bhekela kikote.

Efezo 1:15

Mukonda dia kiki, eme uami tunde ki ngevu o kuxikana kuenu kua Ngana Jezú ku muala na-ku, ni henda i muene kuidikiza akua Ngana oso a xikana,

II Tesalonika 2:2

Ki mu kuate kulungujuka mu ixinganeku ienu, mba mu sasumuka se bhu kala muthu u mi ambela kuila o Kizuua kia Ngana kieza-bhu kiá. Sumba ima ienʼ iii a mi tangela-iu ku muthu uoso-uoso uene mù kola o Njimbu Iambote, mba a i tange kuala musésedi, mba a mi ambela kuila etu tua i soneka mu mukanda uosouoso.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.