Nzuá 13:5 - O Mikanda Ikola

⁵ Anga u lunduluila menha bhu dilonga dia menhʼ a pholo, hé u mateka o kusukula inama ia jixibulu jê, ni ku i kondona ni dituaia dia di kutu na-diu.

Nzuá 13:5 ပူးပေါင်းရင်းမြစ်များ

Dimatekenu 18:4

Eze ni tumenha, mu sukule o inama ienu, mu nhohene hanji mu kilembeketa kia muẋi iú.

Dimatekenu 19:2

uixi; Enu jingana, nga mi diondo, zenu mu tule monzo iami, ngi selevende ienu, mu zeke momo, mu sukule inama, o ki kúkia mu kimene muile njila ienu. Ene exi-phe: Kana, tu kala muene mu nzunga usuku uoso.

Dimatekenu 43:24

Kimbadi anga u a bheka mʼonzo ia Zuze, u a tuma kubokona, u a bhana menha a kusukula o inama; ua bhana ue ni ngânda ia jijumento jâ.

II Jisobha 3:11

Maji Jozafate uebhula, uixi: O bhabha Kana-bhu polofeta ia Nzambi ni tuʼibhuila Jihova kua muene? Bhenhobho ku abhikʼa sobha ia Izalaiele, ku kala umoxi u vutula, uixi: Uala bhabha Ilizeu, monʼa Safate, ua kexi mu kulunduluila o menha ku makuʼa Elija.

Jisálamu 51:2

Ngi sukule, u ngi zelese ku ikuma iami, mukonda nga xidi; ngi bonze, phala kituxi kiami ki bhue-ku.

Makatukilu 29:4

Ni Alá-phe ni anʼê a mala u a bheka bhu muelu ua balaka ia kutakanena, anga u a eẋika bhenhobho ni menha.

Izaía 1:16

Di sukudienu, mu dizelese, phulu ioso ia ibhangelu ienu katulenu-iu, i tunde ku mesu mami, ehenu o kubhanga kiaiibha.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Ijila 14:8

O ió-phe uala ku dʼiẋika kiki, a sukule izuatu iê, a di konge ue kindemba kioso, a diʼiẋike ni menha; kuabhu-phe uazele kiua; o kia zubha kubhanga kiki a bokoniê kiá bhu kibangu, maji u bhanga hanji sambuadi dia izuua, ka bokona luua mu balaka iê.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Luka 7:38

anga u mu imanena bhu inama iê ni kudila, ua mu betesa inama ni masoxi, anga u i kondona ni kindemba kia mútue uê, u i nzobojola ni jibeju, anga u i xisa ni nguendu.

Luka 7:44

Jezú uixi: Ua batula kidi. Anga u lungulukila kuala o muhatu, hé uambela Ximá, uixi: Ua mono muhatu iú? Nga bokona mʼonzo ié, eie kua ngi bhana menha ma kusukula inama; muène-phe ua ngi betesa inama ni masoxi, ua i kondona ni kindemba kiê.

Nzuá 13:10

Eme Jezú: Uoso ua diẋika kiá, u bhinga ngó ku mu sukula inama, nʼa zubhe kuzela. Enu-phe mua zele kiá, suke enuʼ enu oso kana, kuma umoxi né.

Nzuá 13:6

Anga u bhixila kua Ximá Phetele. Phetele-phe, uixi: Kífua, Ngana, eie u ngi sukula o inama?

Nzuá 13:8

Phetele uixi: Kana, Ngana, nguami eie ni u ngi sukule inama. Jezú uixi: Se nga kambe ku ku sukula, eie ku kala dingi u dixibulu diami.

Nzuá 19:34

Disoladi dimoxi-phe u kuata sosa, u kubula na-iu Jezú mu jimbanji. Kithangana kienhókio anga mu tunda manhinga ni menha.

Jipoxolo 22:16

Kiki-phe u lalekela-hi dingi? Balumuka, u bhinge Ngana ku ku kuatekesa, ni a ku batizale, o ituxi iê nda a ku loloke-iu.

I Kolindo 6:11

Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.

Efezo 5:26

Muène ua bhange kiki phala kulumbila o Ngeleja iê kua Nzambi, mu ku i sukula ni menha, ni ku i zelesa ni dibônzo dia maka mê.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 5:6

Jezú Kristu muenhó uejile ni menha ma batizu iê, ni manhinga ma kúfua kuê. Muène kejile ngó ni menha, maji kiiadi kiâ ni menha ni manhinga. O kienhiki, Nzumbi ua ki kexila umbangi kuma kidi. Mukonda o Nzumbi, iene o kidi.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.

Afundixi 19:21

Kala kiki, u a bheka mʼonzo iê, jibulu anga u ji bhana kúdia; ene anga a sukula inama iâ, hé a dia, a nua.

I Samuuele 25:41

Muene anga u balumuka, u bhetama pholo iê bhoxi, uixi: Emʼiú, ngi kahatu kê, ngi kale ngi mubhika ua kusukula inama ia akua mbèle ia muadiʼami.