Nzuá 13:31 - O Mikanda Ikola

³¹ Kia tundu Juda, Jezú uixi: Kiki kiá o fuma ia Monʼ a Muthu ia-nda kutukuluka. O fuma ia Nzambi a-nda ku i muena momuê.

Nzuá 13:31 ပူးပေါင်းရင်းမြစ်များ

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Luka 12:50

Sai-phe batizu ia bhingi ku ngi batizala na-iu; muẋima ua ngi suku, katé ki ngi ki kumbidila.

Nzuá 11:4

Jezú-phe kia kʼivu, uixi: Kukata kuku, ki kukata kua Lázalu kúfua. Kuku kukata kua kufumanesa Nzambi, mbé Monʼ a Nzambi nʼ a tambule-ku fuma.

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 12:28

Tata, fumanesa o dijina dié! Kithanganʼ okio ku tunda dízui mu diulu, dixi: Nga di fumanesa kiá, hanji ngi di fumanesa jinga.

Nzuá 14:13

Ioso i mu bhinga kua Tata mu dijina diami, eme ngi i bhanga, mbé Tata nʼ a tambule o fuma kua Mona.

Nzuá 16:14

Muène u ngi jingisa eme, mukonda ua kà katula ko kuami ioso i nga mesena kuzuela, nʼ a mi tudila enu.

Nzuá 7:39

Mu kuzuela kiki, Jezú ua kexi mú tanga o Nzumbi, a-ndu mu tambula kuala oso a mu xikana. Mbata ene o Nzumbi ka mu tambuile luua, mukonda Jezú kiluua a tambula o ungana.

Jipoxolo 2:36

Uila kiki, dibhata dioso dia Izalaiele di tume ku kʼ ijiia mu kidi, kuma Jezú imoxi iíi, mua mu tele ku dikulusu, Nzambi ua mu bhanga muène Ngana, muène Kristu.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

Efezo 1:12

Kala kiki, etu tua dianga o ku ta kudielela kuetu mua Kristu, tu ximanienu Nzambi mukonda dia unéne uê!

Efezo 2:7

Nzambi ua bhange kiki, phala ku hádia ni hádia a kà tene kuidikiza o jinzungule josuʼ ojo ja kiadi kiê, mu mbote ia tu bhange etu mua Kristu Jezú.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

Filipe 2:11

Ki bhu xala dimi di kamba kufisala kuma Jezú Kristu muene Ngana, mu kubhana o fuma kua Nzambi, Tata.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.