Nzuá 13:1 - O Mikanda Ikola

¹ Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 13:1 ပူးပေါင်းရင်းမြစ်များ

Jisabhu 8:31

Oxi-phe kioso ki ia tungu kiá, ngi kuata ku di kenha ku thandu dia xi ia kutunga ni kusoma, ngi kala ni malau mami muʼaxaxi ka anʼa athu.

Jelemiia 31:3

Kithangana kiá kia bhiti-bhu tundé kia ngi tukulukila Jihova, uixi: Tala, nga ku zolo ni henda ki i moneka dizubhilu, nga ku sungu ue ni jihenda ja kulenduka, kokuami.

Matesu 26:45

Anga uiza ku jixibulu, u ambela, uixi: Enu hanji mua zeka? Muàii muene ku kilu? Talenu, ola ieza kiá, Monʼa Muthu ia a mu thelekala kiá bhu maku ma akua ituxi.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Luka 22:53

Izuua ioso, eme i nga kexile kumoxi ni enu mu Tembulu, enu ki mu ngi tula maku. Maji o didi, kumbi dienu kiá, ni dia kusuina kua kitombe.

Luka 9:51

Anga ki bhita kuila, kizuua ki kia zukama, kia Jezú ku mu katula mu ngongo, ni kubanda kiá ku diulu, Jezú u dia nguidi ia kuia ku Jeluzaleme.

Nzuá 11:55

Kia zukama-phe o izuua ia Phasu ia Jijudé, akua ʼxi avulu a kala mù banda ku Jeluzaleme, kioso izuua kiluua i tena, mbebhu o ku di bonza.

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 13:29

Amukuá a fika, mukonda Juda muene ua kuata o hutu ia kitadi, kuma Jezú ua mu ambela kusumba ima ia kambe-ku mu kubhanga o fesa; mba ua mu ambela kubhana kima ku jingadiama.

Nzuá 13:3

Jezú uejiia kuma Tata ua mu bhana o kutena kuoso bhu maku mê. Uejiia ue kuma muène ua tundu kua Nzambi, o kua Nzambi kuene kiá kua-nda kuia.

Nzuá 13:34

Nga mi bhana kijila kiôbhe: Di zodienu mudienu. Kala kioso eme ki nga mi zola, enu uenu di zodienu mu dienu.

Nzuá 14:28

Enu muevu ki nga ki tange, ngixi: Ngala kuia, maji hinu ngiza mu kukala ni enu. Se mua ngi zolele, mueju sanguluka, mukonda dia kuijiia kuila ngala kuia kua Tata, kuma o Tata uala kota, eme ndenge.

Nzuá 14:31

Maji phala o mundu u ijiie kuma eme nga zola Tata, o kioso kia ngi tumu muène, Eme kiene ki ngi bhanga. Balumukenu, tuie ku kanga!

Nzuá 16:28

Nga tundile kua Tata, eme ngeza mu ngongo. O kiki-phe ngi xa mu ngongo, hé ngiia kua Tata.

Nzuá 17:1

Kia zubha kuzuela ima iíi, Jezú u bhetula mesu bhulu, uixi: Tata, kumbi dieza-bhu kiá. Jingisa Monʼ é, o Monʼ é nʼ a ku jingise eie.

Nzuá 17:16

Mukuâ ni eme ki ngi tokala mu mundu, ene ua ka tokala-mu.

Nzuá 17:26

Eme nga ejidisa o dijina dié, hanji ngi dʼ ijidisa dingi, phala o henda i ua ngi zola na-iu eme, ni i kale mua ene, ni eme-muène mua ene.

Nzuá 17:5

Tata iami! Kiki-phe ngi jingise eie-muène ni kijingu, ki nga kexile na-kiu mʼ okulu ni eie, kuila mu ngongo kiluua mu di bhanga.

Nzuá 18:4

Jezú kuma ioso ia-nda kubhita ua ijiia, u tuamenena kuia mu kutakana-nâ, uixi: Mukua-hi muala ku mu sota?

Nzuá 19:28

Kia bhiti kiki, Jezú kuma ua mono ima ioso ia tenena kiá, mu kubhitisa o maka mòsoneke mu Mikanda ia Ngana, uixi: Ngala ni dinhota!

Nzuá 2:13

Kienhókio kuila kua kambe ngó tu-izuua Phasu ia Jijudé ia zukama, Jezú u banda mu Jeluzaleme.

Nzuá 6:4

Kienhókio o Phasu, fesa ia Jijudé, ia zukama kiá.

Nzuá 7:30

Ene anga a sota ku mu kuata, maji kana muthu ua mu te lúkuaku, mukonda kumbi diê kiluua di bhixila.

Nzuá 7:6

Jezú anga ua ambela, uixi: Kumbi diami kiluua di bhixila. Maji o kumbi dienu-phe ki di bhinga dingi ku di kinga. Mukonda enu kumbi dioso-dioso, dienu.

Nzuá 8:20

Jezú ua tange makʼ ama, kioso kia kala mù longa mu Tembulu, bhua lulama ni bhu kididi kia kofidi. Kana muthu-phe ua mu kuata, mukonda kumbi diê kiluua di bhixila.

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

I Kolindo 1:8

Muene uanda ku mi imika katé bhu bhuilu, phala ki mu kale ni kisemu mu kizuua kia Ngana ietu Jezú Kristu.

Jihebeleu 3:14

Kuma o kubhanduluka ni Kristu, ki bhinga o kudielela ku tu andeka na-ku, tu ku jijila katé bhu dizubhilu.

Jihebeleu 3:6

Maji-phe Kristu fiiele, kuma Mona mu dibhata dia Nzambi. Etu-phe tua kà kala tu dibhata diê, se tua jijila o kubhua uôma ni kudielela kuetu ku tua di fiiala ku kioso ki tua kinga, katé bhu disukilu.

Jihebeleu 6:11

Tuinda enu oso mu idikiza muanu uenʼiú mu kutambula ioso i mua dielela katé mua zubha.

I Phetele 1:13

Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.

I Nzuá 4:19

Etu tu zola, mukonda Nzambi muène ua diangela ku tu zola.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,