Nzuá 12:34 - O Mikanda Ikola

³⁴ O kifuẋi-phe kia mu vutuila, exi: Etu tua di longo mu Kitumu kietu, kuma Kristu u xalela-ku kiá. Eie-phe ua-lu kuamba kiebhi, kuma o Monʼ a Muthu ku mavu a mu zangumuna-ku? Monʼ a Muthu, nanhi muene?

Nzuá 12:34 ပူးပေါင်းရင်းမြစ်များ

II Samuuele 7:13

Muenhú muene hinu u ngi tungila inzo ia dijina diami, o kiandu kia utuminu uê ngi ki kolesa bhu kididi, anga kia kà xalela.

Jisálamu 110:4

Jihova ua loka, ka ẋikina kualuluka, kuma eie uala u nganga inangenena, mukuâ ni unganga ua Melekizedeke.

Jisálamu 72:7

Mu izuua iê athu aiuka à kala mu kuzanda, ku kala paze i nangenena kala ki nangenena o mbeje.

Izaía 53:8

Tembu ia mu tobhesa mu kufunda, a mu fudisa o kulunga. Mu phaxi ni milonga ki bhuala ua mu katula-mu; o izuua ia muenhu uê nanhi ua-nda ku tanga? Kuma muenhu uê a u batula mu ngongo; mukonda o kitondalu kia mundu uami kiene kia mu jibhisa.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Matesu 16:13

Kiki kieza Jezú mu jimbandu ja Sezaleia ia Felipe, uibhula jixibulu jê, uixi: Eme, Monʼa Muthu, athu ala ku ngʼila kuma eme nanhi?

Matesu 21:10

Kia zubha kutula mu Jeluzaleme, mbonge ioso i salumuka, exi: Nanhi muenhú?

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Nzuá 10:34

Jezú uixi: Manhi mu Kitumu kienu, ka ki soneka-mu, exi: Nzambi uedi: Enu mu jinzambi?

Nzuá 12:32

Eme se a ngi zangumuna bhoxi, ngi sunga athu oso ko-kuami.

Nzuá 15:25

Oko a ki bhange-phe mu kubhitisa o maka mòsoneke mu Kitumu kiâ, ma kuila: Ene a ngi zembe sé kikuma.

Nzuá 8:28

Kienhiki Jezú anga ua ambela, uixi: Ki mua kà zubha kuzangumuna o Monʼa Muthu, kiene ki muà kejiia mba Eme mukua-hi. Muà kejiia ue kuma Eme ki ngi bhange kima kʼ ubheka uami ngó, maji nga zuela kala kia ngi longo Tata.

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Loma 5:18

Uila kiki, kala kiejile o mulonga ku thandu dia athu oso mu kituxi kimoxi ngó, athu oso iá a xedi ni kuêla, kiene kimoxi, mu kima kia kulunga ngó lumoxi kia bheka o ujitu iú ua ngoho ueza ku thandu dia athu oso mu ku a lungisa nʼ a tambule muenhu.

Jihebeleu 7:24

Maji-phe o Ngana Jezú kuma uenʼié ku muenhu katé ku hádia ni hádia, o unganga uê kene ku u lendela.