Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.
Jijudé anga ji di ambela mudiâ, exi: Kuebhi kuene ku aia, kua bhingi tu lémbua ku mu sanga? O kuila ua-nda kuia kua ió a di muange mu Jingèleku? Inga ua ka longa Jingèleku?
Anga kibhita dingi mu Ikônio, kala ki kia bhiti kua tundu. Kuma a bokona kiiadi kiâ mu dilombe dia Jijudé, o mu kutanga kuâ anga a bhangesa mundu uavulu ua Jijudé ni Jingeleku kuxikana.
Phaulu anga u bhixila ue ku Derbe ni ku Listra. Kuenioko anga a sanga-ku xibulu imoxi dijina diê Timote. Muenʼ iú mamʼ â Judé, ua xikana kiá, maji o tatʼ â Ngeleku.
Amoxi-mu anga etaia, a zuama kua Phaulu ni Sila. Ni ku abhezi mu Jingeleku, ni ku Jijudé, mundu uavulu, ni ku ahatu a jingana, kʼ atolo, a di ta ue kueniuku.
Exi: Mu akua Izalaiele tu bandienu! Iala muenʼ iú mukua kulongesa o athu kuene kuoso phala kuzemba mundu ua Izalaiele, ni kuzemba o Kitumu kia Mozé, ni kididi kiki, kia Tembulu. Bheniabha iú uala kubheka mu tembulu o athu ió ki Jijdué, phala kukasanesa o kididi kiki kikôla!
Muene u di iudika, anga u katuka mu kuenda. Kuenioko u sanga-phe muthu, mukua Etiiopia, Ngolambole ia Kandase, sobha ia Etiiopia ia muhatu, ua tambula konda ia jimbongo jê joso. Muenʼiú uendele mu Jeluzaleme mu kubheza Nzambi; O kiki uala mu kualuka kʼoxi iê.
O kia tangʼ iki, phala ene-oso, mukonda kana-ku katungu mu Judé, ni ió ki Judé. Nzambi muene kuma Ngana imoxi, Ngana ia ene-oso; muène mubhani a nzungule kua ió oso a di kola kua muène.
O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.