Nzuá 12:16 - O Mikanda Ikola

¹⁶ Mu kithanganʼokio, imʼiíi jixibulu jê ka ʼijidile luua. Maji kia zubha Jezú kutambula ungana uê, mu kufukunuka ku ʼalunga, ene kiene kiua kia lembalala kuma imʼiíi a mu soneka-iu mʼ okulukulu, ene ue iene ima ia mu bhangele.

Nzuá 12:16 ပူးပေါင်းရင်းမြစ်များ

Marku 16:19

Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Marku 9:32

Ene-phe, hundu iíi ia a jinganena, o ku mu ibhula-iu ala ni uoma.

Luka 18:34

O maxibulu-phe, ima ioso iíi ka ivu; mukonda makʼ ama medi kala mòsueke, ki ma a jimbulukila.

Luka 24:25

Muène anga ua ambela, uixi: Enu tata, mua xiti kinène mu thulu, enu mua kokoloka muẋima mu kuxikana ima ioso ia zuela o misèsedi!

Luka 24:45

Bhenhobho anga u a jikula o ilunji, mu kutetulukila o kuívua kiambote o Madivulu a Ngana, uixi:

Luka 9:45

Ene-phe kizuelu kiókio ka kʼivu, kia a jinganena, a lémbua ku kʼijiia kuma a a suekela-kiu. O ku mu ibhudisa-kiu ala ni uôma.

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 14:26

Maji o Mukuatekexi ió-phe, muène muène Nzumbi Ikôla, a-ndu mu tumikisa kuala Tata mu dijina diami, muène u mi longa ima ioso, hé u mi lembalesa ima ioso i nga mi ambela.

Nzuá 16:4

Maji eme nga mi ambela-phe imʼiíi phala kʼ iza o kumbi diê, mu ki lembalale kuma eme nga mi ambela-kiu kiá. Ki ngi mi ambelele na-iu tunde ku dimatekenu, mukonda eme nga kexile hanji ni enu.

Nzuá 17:5

Tata iami! Kiki-phe ngi jingise eie-muène ni kijingu, ki nga kexile na-kiu mʼ okulu ni eie, kuila mu ngongo kiluua mu di bhanga.

Nzuá 2:22

Kia zubha-phe Muène kufukunuka mu afi, jixibulu jê ja lembalala kuma muène kiki ua ki zuelele; anga a xikana o Mikanda Ikôla, iòsoneke, ni maka ma Jezú.

Nzuá 7:39

Mu kuzuela kiki, Jezú ua kexi mú tanga o Nzumbi, a-ndu mu tambula kuala oso a mu xikana. Mbata ene o Nzumbi ka mu tambuile luua, mukonda Jezú kiluua a tambula o ungana.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Jipoxolo 2:36

Uila kiki, dibhata dioso dia Izalaiele di tume ku kʼ ijiia mu kidi, kuma Jezú imoxi iíi, mua mu tele ku dikulusu, Nzambi ua mu bhanga muène Ngana, muène Kristu.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Jihebeleu 8:1

Kiki-phe, o ima i tua kuata kuzuela, o diba diê dia kate-ku dienʼidi: Tuala ni Nganga ia Dikota iú, ua xikama ku madilu bhu kiandu kia Ungana-ua-diulu, kia Nzambi-Muteni-a-Ioso.