Nzuá 11:53 - O Mikanda Ikola

⁵³ Tunde-phe kizuua kienhókio, adiakime ku Jijudé, a kala mu ku mu kanena kioso kia mu jibha.

Nzuá 11:53 ပူးပေါင်းရင်းမြစ်များ

Dimatekenu 37:18

Ene-phe anga a mu muena dikanga, kuala kuijiia, kioso kiluua a bhiẋila bhuala ene, a mu ta kikutu kia ku mu kanena kiá, phala ku mu jibha.

Nehemiia 13:21

Nga a bazela-phe, eme ngʼa tangela, ngixi: Muala kubhitilaʼhi o usuku ku kanga dia kimbaka? Se mu ki bhanga dingi luamukuá, nga-ndu tuma ku mi kuika. Tunde kithanganʼokio ni ku pholo kunu, a batuka kuiza mu sabhalu.

Nehemiia 4:16

Anga ki bhita ue kuila, tunde kiá bhu kizuuʼokio katé ku pholo kunu, ngiia kaxaxi ka minzangala iami a kuata ku kikalakalu, kaxaxi kamukuá a kala ni jingumba bhu maku, ni jingubu, ni jihonji, ni ibhakatu; anga atumini a kala jinga ku dima dia dibhata dioso dia Juda.

Jisálamu 113:2

Dijina dia Jihova a di tumbule ni ki tualʼiki, ni ku hádia sé dizubhilu.

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Jisálamu 31:13

Ku athu-athu ngʼivua kufueta kua mundu ala ku ngi longolola, ngiia ni kusasumuka ku mbandu joso ni uoma; kuma enhoso ala ku ngi kanena eme, a te kikutu kia ku ngi katula o muenhu.

Jisálamu 71:10

Kuma, jinguma jami, a ngi kuata maka ma ufe; ió a batamena ku ngi bua o muenhu uami, ala mu ngi ta kikutu.

Jelemiia 38:15

Jelemiia hé uambela Zedekiia, uixi: Eme ki ngi ku jimbuila-kiu, ni kidi kiene, eie kua-nda ku ngi jibha? O ki ngi ku bhana kaiula, eie uanda ku ngʼivua?

Jelemiia 38:4

Makota hé ambela sobha, exi: Muthu iú a fue, kuma muene mu ku bhanga kiki, uala kubhuidisa o maku ma athu a fuama kúlua ita a subhuka hanji mu mbonge mumu, ni maku ma kifuẋi kioso mu ku a zuelela maka a di fu kiki; mukonda o muthu iú kala mu sota kutululuka kua kifuẋi kiki, maji phulu ngó.

Matesu 12:14

Jifalizeu anga ji katuka, aia ku mu tela kionge kia kioso kianda ku mu jibha.

Matesu 16:21

Tunde bhu thembu ioio Jezú u kuata kuidikiza jixibulu jê kuma muène u bhinga kuia mu Jeluzaleme, kumona jiphaxi javulu ku adiakimi, ni ku jinganga ja makota ni asoneki, ni ku mu jibha, ni kufunuka mu kizuua kia katatu.

Matesu 22:46

Bhenhobho kana muthu ua tena ku mu vutuila dízui dimoxi. Tunde mu kizuua kienhókio ue, kana muthu ua bhumina dingi kufunda-nê phata.

Matesu 26:4

anga a kala mu di longesa kioso kia kuata Jezú mu ndunge, phala ku mu jibha.

Matesu 26:59

Kiki jinganga ja makota, ni ene oso kiá bhu kionge, a sota umbangi ua makutu ua kuêlesa Jezú ni a mu jibhe,

Marku 14:1

Kiki kuila kua kambe izuua iiadi mu fesa ia Phasu, o Fesa ia Jimbolo ji Kamba Kithûthume, jinganga ja makota ni asoneki anga a mu kanena kioso kia mu kuata ni ndunge phala ku mu jibha.

Marku 3:6

Jifalizeu anga a tunda, kithanganʼ okio a mu tela kionge kumoxi ni akua Helode, mbe kumona kioso kia bhanga phala ku mu jibha.

Nzuá 11:47

Makota ma jinganga ni jifalizeu, anga a bhongolola o Kionge kia Jitata, exi: Tu bhanga kiebhi? Mukonda muthu iú uala mù bhanga madiuanu mavulu.

Nzuá 12:10

Makota ma jinganga anga ma ta kikutu ue kia kujibha Lázalu.

Nzuá 7:1

Kia bhiti imʼiíi, Jezú u nhunga mu Ngalileia, kʼ andala kunhunga mu Judeia, mukonda dia Jijudé momo, kubhindamena o ku mu jibha.

Jipoxolo 5:33

Adiakime-phe bhu Kionge, ki evu kiki, kia a talakanha. A thathamana kiavulu, anga a kala mu ku a kanena ku a jibha kiá.

Jipoxolo 9:23

Kia zubha kubhita izuua iavulu, Jijudé ji di bhongolola ku kikutu, anga a mu kanena ku mu jibha.