Nzuá 11:52 - O Mikanda Ikola

⁵² Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Nzuá 11:52 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Jisálamu 22:15

Bhu xingu bhua ngi kukuta kala kimènga kia mavu; dimi dia ngi naminina ku jinganzuánzua; ua ngi takuila mu fufutila ia mavu a kalunga.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Izaía 49:18

Bhetula-ze o mesu mé u kengelele mbandu ni mbandu, tala: ene-osoʼâ a bhongoloka a mu kuiza kokué; nga di-lokela muene, eme Jihova, kuila ene-osoʼâ ua-nda ku a zuata kala kizuatu kia makembu, anga u di-ẋiẋika-nâ kala u díbhanga.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 55:5

Tala-ze, eie ua-nda kuixana kifuxi kua kʼijidile, ifuẋi ia kambele ku ku ijiia ia kèza malusolo kokué, mukonda dia henda ia Jihova Nzambi ié, ni ia Dilemba Dikola dia Izalaiele; kuma muene ua ku zangeleka.

Izaía 56:8

Jihova Nzambi, uene kubhongolola oso a muangana mu Izalaiele, uambe kiki: Hanji nga kà bhongolola dingi athu kumoxi ni iá u nga bhongolola kiá.

Izaía 60:4

Bhetula mesu mé ku mbandu joso u mone: ene-oso ia di bhongolola mu kuiza kokué, o anʼé a mala a-nda kutunda ku makanga, o anʼé ue a ahatu a-nda ku a sasela bhu mbandu ié.

Izekiiele 34:12

Mukuâ ni mubidi kia kenga o kilunga kiê, bhu kizuua muene kia kala muʼaxaxi ka jimbudi jê ja di muange, kiene ue eme ki nga-nda kukenga o jimbudi jami; anga ngi ji takana mu ididi ioso mu ja di muangena, bhu kizuua kia dituta ni kia kitombe.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Luka 15:8

Mba muhatu kuẋi uala ni kuinhi dia iphaka ia phalata, se ua jimbidisa kimoxi, u kamba ku ki sota? Mu ku ki sota, u sendela kandeia, ni kukomba mʼ onzo, ni kusota makidi-kidi, katé ki a ki sanga.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Nzuá 1:12

Maji amoxi-mu a mu tambulula, ia a xikana dijina diê; enhá Nzambi ua a bhana o kutena kua kukala anʼê.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Nzuá 12:32

Eme se a ngi zangumuna bhoxi, ngi sunga athu oso ko-kuami.

Jipoxolo 18:10

Mukonda Eme ngala ni eie. Kana muthu u tena ku kubhanga kiaiibha; kuma mu mbongeʼ umu, Eme ngala-mu ni mundu uami uavulu.

Loma 3:29

Kifua o Nzambi ua tokala ngó ni Jijudé kuabhu? Nzambi ka tokala ue ni akua jixi jengi? Kiene muene! Nzambi ia akua jixi jengi ue.

Loma 4:17

Kala ki ambe o Mikanda Ikôla, iexi: Eie nga ku bhange u tata ia ifuẋi iavulu. Kala kiki, o polomesa a i kuatesa kuala Nzambi, ió a mu xikana kuala Mbalahamu—Nzambi, mukua kuphaphumuna athu afu kiá, hé u bhangesa kukala ku muenhu o ima kiluua i kala-ku, anga i di bhanga muene.

Efezo 1:5

Ua tu inda kukala tu ana, mu uana uijiia kua Jezú Kristu. Kuma kiene kima kia mu uabhela, kia mu kala okulu mu vondadi iê.

Efezo 3:11

Nzambi ua bhange kiki kala ki andala muène mu kikanenu kiê kiòkulu-kulu kia tenesena mua Kristu Jezú, Ngana ietu.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.

I Phetele 1:1

Eme Phetele, Poxolo ia Jezú Kristu, nga sonekena asonhi a muanganena mu jixi ja Ponto, Ngalásia, Kapadósia, Ázia, ni Bitinia.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.