Nzuá 11:44 - O Mikanda Ikola

⁴⁴ O Lázalu anga u tunda. Inama iê ni maku, mòuinge mu itetele ia kiaku, ni pholo iòfute dituaia. Bhenhobho Jezú uixi: Mu ingununienu o itetele, phalʼ ende.

Nzuá 11:44 ပူးပေါင်းရင်းမြစ်များ

Dimatekenu 1:3

Nzambi anga u zuela, uixi: Kuma kúkie; kuma anga ku zela, ku kala mukengeji.

Jisálamu 33:9

Kuma muene uazuela ngó, ioso ia di bhange; Kia tumina dingi, ima ioso ia tukuluka.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Marku 5:43

Bhenhobho Jezú muene u a kidika kiavulu, uixi: Kana ku ki tanga anga u tuma ku mu bhana kudia.

Luka 19:20

Mukuá anga uiza, uixi: Ngana, saku ié iíi, nga i lundile iòfute bhu dilesu.

Luka 7:15

O uafu anga u bhetuka, u xikama, hé u kuata mù zuela. Anga u mu bhana kua manhâ.

Nzuá 10:30

Mbata eme ni Tata, etuʼ ene umoxi.

Nzuá 11:39

Jezú uixi: Katulenu-ku o ditadi! Marta, phangʼ ia difundu, uixi: Ngana, muène kiki ua mu nuha kiá kiaiibha! Kuma tunde kia mu fundu, ua bhange-mu kiá izuua iuana.

Nzuá 11:43

Kia zubha o kuzuela kiki, ua di kola ni dízui dia suina, uixi: Lázalu, tunda ku kanga!

Nzuá 19:40

Kiiadi kiâ anga a kuata o kimbi kia Jezú, a ki nhinga mu milele ia linhu, kumoxi ni milongo iauabha dizumba, kuma uene ufûndilu ua Jijudé.

Nzuá 20:5

O kia bhetama, anga u zongola-mu, u mona milele ia kiaku íi bhoxi, maji ka bokona.

Nzuá 20:7

U mona o milele ia kiaku íi bhoxi, ni dilesu dia mu tele ku mútue. O dilesu ki diala bhuamoxi ni milele, maji diòfute ni kididi kiê.

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

I Samuuele 2:6

Jihova muene u katula o muenhu, muene u bhana o muenhu; u tulula athu katé mu mbila, anga u balumuna athu kuʼalunga.