Nzuá 11:25 - O Mikanda Ikola

²⁵ Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Nzuá 11:25 ပူးပေါင်းရင်းမြစ်များ

Jisálamu 36:9

Mukonda ko kué kuene kuala o kitu kia muenhu; o mu mukengeji ué muene mu tua kà muena kuzela.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Izaía 38:16

Jihova, muthu uene kulaiela mu ima ienhiʼii; eme ue muẋima uami ua dielela ngó mu ima ienhiʼii, eie-phe, Ngana, ngi sake nda ngi kole muenhu.

Luka 23:43

Jezú anga u mu ambela, uixi: Kidi ngi kuambela: Lelu muene ua kà kala ni eme ku kididi kiambote mu Palaízu ia Nzambi.

Nzuá 1:4

Mua muène mua kala o muenhu; o muenhu anga u kala mukengeji ua athu.

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.

Nzuá 5:26

Kala Tata muene, kiedi muène Otho ia muenhu, kiene ue ua bhana Mona kukala ni muenhu moxi, diêmuène.

Nzuá 6:35

Jezú ua ambela, uixi: Eme ngi mbolo ia muenhu. Uoso uiza ko-kuami, kà kala dingi ni nzala, o uoso u ngi xikana eme, kà kala dingi ni dinhota.

Nzuá 6:44

Kana muthu u tena kuiza ko-kuami, se Tata ua ngi tumu u kamba ku mu sunga; eme-phe ngi mu fukununa mu kizuua kia kà suka-ku.

Jipoxolo 3:15

Monʼ a ngana ua bhanga o muenhu mua mu jibhenunu. Maji Nzambi-phe ua mu fukununa ku ʼalunga, o jimbangi jê etʼuene.

Loma 4:17

Kala ki ambe o Mikanda Ikôla, iexi: Eie nga ku bhange u tata ia ifuẋi iavulu. Kala kiki, o polomesa a i kuatesa kuala Nzambi, ió a mu xikana kuala Mbalahamu—Nzambi, mukua kuphaphumuna athu afu kiá, hé u bhangesa kukala ku muenhu o ima kiluua i kala-ku, anga i di bhanga muene.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

I Kolindo 15:18

Se kiene ki kiala, ni ene oso kiá afua jinga mu kuxikana Kristu, a texika.

I Kolindo 15:29

Se ki kiene, enʼió à bhanga kiebhi a a batizala phala madifundu? O madifundu se ka fukunuka, mukonda dia-hi ene a a batizala phala madifu-ndu?

II Kolindo 4:14

Kuma etu tua kʼijiia kuila o Nzambi ió uoso ua fukunuine Ngana Jezú, u tu fukununʼetu kumoxi ni Jezú, hé ua kà tu bheka kumoxi ni enu bhu pholo iê.

Filipe 1:23

Ngala-phe bhu kibhidi kia ngi phopheka ku mbandu ni mbandu, mukonda ngala ni vondadi iavulu ia kukatuka kunu, phala kuà kala-mi kiá ni Kristu; kuma ujitu uê u kala kotʼ èlele.

Filipe 3:10

Mukonda ngendi ngó kuila Kristu ngi mu ijiia muene, ni nguzu ia kufukunuka kuê, ni ngi kale mu kisangela kia jihadi jê, ngende ni kudifangana-nê mu kufua kuê;

I Tesalonika 4:14

Kuma etu tua xikana kuila Jezú ua fuile iú ua fukunuka. Kiene ue kimoxi oso a fuila mu kuxikana Jezú, Nzambi ua kà a bheka dingi kumoxi ni Jezú muene.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 20:5

(O madifundu amukuá-phe, ka mono luua muenhu, katé ki zubha midi ia mivu kubhita). Didi diene o difukunukinu dia dianga dia kutunda mu ʼalunga.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.