Nzuá 11:19 - O Mikanda Ikola

¹⁹ Mukonda dia kiki, Jijudé javulu jeza kua Marta ni Madiia, mu ku a didisa o thambi ia phangʼ iâ.

Nzuá 11:19 ပူးပေါင်းရင်းမြစ်များ

Dimatekenu 37:35

Ni anʼê oso a mala ni a ahatu a balumuka mu ku mu konda malamba; muene-phe nguaiê ku mu konda malamba, uixi: Ngiia muene ni masoxi kuʼalunga kuaii monʼami. Tatʼâ anga u kala muene ni ku mu dila kienhiki.

II Samuuele 10:2

Davidi anga u zuela, uixi: Eme ngʼidikiza henda kua Hanuni monʼa Nahaxi, kala tatʼâ kia ngʼidikiza eme o henda. Davidi anga u katula athu ku mbèle iê, u a tuma ku mu hindula ni ku mu konda malamba mukonda dia kúfua kua tatʼâ. Akua mbèle ia Davidi anga a bhixila moxi ia anʼa Amone.

I Malunda 10:12

o indanda ioso-phe ia ita anga a balumuka, hé a katula o mukutu ua Saúlu, ni mikutu ia anʼê eza na-iu ku Jabeze; anga afunda o ifuba iâ bhoxi dia muxi uexana kuila Kaluvádiu, mu Jabeze, anga a jila mu sambuadi dia izuua.

Jobe 2:11

O makamba a tatu a Jobe-phe, kioso kia zubha kuívua o kuiibha kuosʼuku kua lundulukila ku thandu diê, eza, muthu ua tundu bhu kididi kiê, muthu ua tundu bhu kididi kiê, enhá; Ilifaji mukua Temane; Bidade musuuita, ni Zofale mukua Nahama; hé a di kunda kuiza kumoxi mu ku mu hindula ni ku mu konda malamba.

Jobe 42:11

Bheneʼobho-phe kiá, phange jê joso ja mala ni ja ahetu, jiza anga ji mu bhongolokela, ni oso kiá a diʼjidile-nâ mʼukulu, anga a dia-nê mbolo mʼonzo iê, anga a mu kala ni henda, hé a mu konda malamba ma ima ioso ia ibha ia mu tumikixine Ngana; eneʼoso ela, iú ua mu bhana kitadi ni nela ia ulu, iú ua mu bhana kitadi ni nela ia ulu.

Ndongixi 7:2

O kuia mʼonzo ia thambi kota, kuindi mʼonzo muala o fesa; mukonda o momo athu muene mua muena o dizubhilu diâ; athuʼoso a muenhu a ki ta muene ku miẋima iâ.

Izaía 51:19

Ima iiadi iii ua bhiti na-iu muene; mukuahi ua ku kuatela o henda? O kubuika ni kusekala, o nzala ni xibhata! Nanhi ua tena ku ku konda malamba?

Kuditenda 1:16

Mukonda dia ima ienhiʼii, kiene eme ki nga-lu didila; kala kiki mesu mami, o mesu mami muene, ma kungulula ndumba ia kisoxi; mbata o Mutululuixi, ua tokalele o ku ngi ximbakatesa o muenhu uami, ua ngi sondoloka bhu mbandu iami; anʼami mua eza kukakuka, mukonda dia nguma ua ngi tundu o thulu.

Kuditenda 1:2

Usuku uoso ua kudila kinhenge; o masoxi mê a kuata kunguluka jinga ngó mu pholo; o muʼaxaxi ka makamba mê ki muala ngó u mu konda dilamba; o makamba mê moso-lolo ma mu bhange ndunge; a biluka muene jinguma jê.

Kuditenda 1:21

Athu ia evua muene kioso ki ngala kukema, maji o u ngi konda malamba ka moneka; jinguma jami joso kievu o jiphaxi joso ji ngala kubhita na-ju, a tana-phe, mukonda kima kia ngi tundu kokué eie; maji, kioso kia kèza o kizuua ki ua tangeʼokio, ene ua bhu ngatelʼabha hiun eza-bhu.

Kuditenda 1:9

Dixidilu diê dia mu kala ku izuatu iê, muene ka lembalele kuila o ku dizubhilu diê ua-nda kutala hadi; kiene-phe kia mu bhela o kibhalu kia kalunga kiki; ki bhuala u mu konda malamba. Eie, Jihova, ngi tale bhu nga tatela; mbata o nguma ua di te nzabala.

Kuditenda 2:13

Ngi ku tela umbangi uahi? Eie kilumba, monʼa Jeluzaleme, ngi ku fikisa ni nanhi? Ngi kuila ngixi o ki ualʼiki kia bhitile kiá kua nanhi, ni ngi ku bhetuila-ku o muẋima, eie kilumba kia muzeletete, tata, mona Ziione? Mukonda o divuua dié dia vudilà-ku mukuâ ni kiakulu o kizanga kia kalunga, mukuahi u ku bhandulula?

Luka 10:39

Marta ukala ue ni phangʼiê dijina diê Madiia, Madiia anga u xikama bhu inama ia Jezú, hé u kuata kuívua o maka mê.

Luka 10:42

Maji kia kate-phe ngó kima kimoxi: Madiia ua solo o mbandu iambote, kà tena ku mu tambula-iu.

Nzuá 1:19

Iú uene umbangi ua Nzuá, kioso Jijudé ku Jeluzaleme ki ja tumine jinganga ni jilevita ku mu ibhudisa, exi: Eie nanhi?

Nzuá 11:1

Anga ku kala muthu uala mù kata, dijina diê Lázalu. Muenhú, ni phange jê jiiadi ja ahatu, Madiia ni Marta, a tungile bhu sanzala ia Bethânha.

Nzuá 11:31

Jijudé jala mʼ onzo ni Madiia, ala ku mu didisa, kia mu mono ua balumuka lusolo, iu ua tundu, a mu kaiela, a fika kuma uaii mu kudidila bhu mbila.

Nzuá 11:33

Jezú bhenhobho, kia mono Madiia kudila, ni Jijudé jí dila, eza-nê kumoxi, u kumba ku muẋima uê, malamba a mu kuata,

Nzuá 11:36

Jijudé, exi: Talesenu! Lázalu ua mu zolele kiavulu.

Nzuá 11:45

Avulu ku Jijudé, eza mù kunda Madiia, kia zubha ku mona Jezú kia bhangʼ iki, a mu xikana.

Nzuá 11:8

Jixibulu ji mu ambela, exi: Mesene, Jijudé kindala kia sotele ku ku jibha ni matadi, kífua kuene dingi ku uia?

Loma 12:15

Sangulukenu kumoxi ni iá a sanguluka, dilenu kumoxi ni iá a dila.

II Kolindo 1:4

Muène mukua ku tu kuatekesa mu hadi ietu ioso, phala tu tene ue kukuatekesa oso ala mù tala hadi kala etu. O dikuatekesu dioso di tualù tambula etu kua Nzambi, diene ue di tu kuatekesa na-diu akuetu.

I Tesalonika 4:18

Uila kiki, di kondienu o malamba mudienu ni maka enʼiâ.

I Tesalonika 5:11

Uila kiki, di longese jingienu mudienu, ni kudikuatekesa, mu di sokejeke kumoxi, kala ki muene kubhanga jinga kiá katé kindala.

I Samuuele 31:13

Anga omona ifuba iâ, hé a i funda bhu kota dia muxi ua mutamadixi mu Jabezi. Anga a fula kúdia, a jila mu sambuadi dia izuua.