Nzuá 10:6 - O Mikanda Ikola

⁶ Jezú ua a tela kifikʼ iki, ene-phe ka kʼijiia se ua ambela ima iahi.

Nzuá 10:6 ပူးပေါင်းရင်းမြစ်များ

Jisálamu 106:7

Jitata jetu ka tongolola kiambote, o madiuanu mé, mʼoxi ia Egito; ka xinganeka dingi o nzungule ia jihenda jé, maji a ku kuata phata, bhu ndundu ia kalunga, xi, bhene bhu Kalunga Kakusuka.

Jisálamu 82:5

Ene kejiia kima, ka tongoloka, athu engajaka ngó muʼavundu; jingunji ja kuatele o ngongo ja-lu sota kudibhala.

Jisabhu 28:5

Athu a bhumu, o uendelu ua ngonge ia kuiuka, ki utena ku a jimbulukila; maji oso-phe a sota Jihova, ima ioso ia tetulukila kiambote.

Izaía 56:11

Ômbua jenhiji jala jingandixi, ki jene kuikuta; o ene ala abidi ka tongolola kima; ene-oso a vutukila jinjila jâ, kala muthu usuua nganhu iê, kala muthu ku mbandu iê.

Daniiele 12:10

Athu avulu a kà a bhuisa o dixidilu dioso, a kà a zelesa, ni ku a teza; maji akua phulu a kà jijila kubhanga dingi phulu mu phulu iene, kuma akua phulu né ngó umoxi ka kà tena kutetuluka; maji oso ala jinjimu, kia kà a tetulukila muene.

Matesu 13:34

Ima ioso iíi Jezú ua i tangela ifuẋi mu ifika. Sé kifika, ka a tangelediʼê kima;

Matesu 13:51

Ima ioso iíi mua ivuenunu kiambote? Exi, Xi!

Marku 4:34

Ka a tangela kima se kifika. Maji ku ubheka, jixibulu je u a lomboluela jinga ima ioso.

Nzuá 16:25

Mu kuzubha, jezú u zuela, uixi: Imʼiíi nga mi ambela jinga-iu mu ifika. Kumbi dí diza-phe dia kuila, ki ngi mi zuelela dingi mu ifika, suke ngi mi lomboluela kiambote o maka ma Tata.

Nzuá 16:29

Jixibulu jê, exi: Tala! Kiki uala kulombolola kiambote mu kuzuela, kuahi ta dingi ifika.

Nzuá 6:52

Jijudé bhenhobho ji di kuata mudiâ, exi: Muthu iú ua-ndu tu bhana kiebhi o mukutu uê ni tu u di?

Nzuá 6:60

Bhenhobho jixibulu jê jamukuá javulu, ki ja zubha ku mu ívua kiki, exi: Makʼ ama mala kulonga, ma bhonzo! Imʼ iíi nanhi u tena ku i xikina?

Nzuá 7:36

Mba muène uambe kiebhi, uixi: Enu muandu ngi sota, maji ki mua-ndu ngi mona; mukonda kuoso ku ngiia, enu ki mu tena kuiza-ku.

Nzuá 8:27

Ene-phe ka kʼijiia, a lémbua kutongoloka kuila Muène ua mu tanga Tata.

Nzuá 8:43

Enu-phe, mua kambela-hi kuívua o uzuelelu uami? Mukonda maka mami nguenu ku a evua.

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.

II Phetele 2:22

Athu iá kia a bhiti, ki ambe o Sabhu ia kidi, exi: Imbua iʼâlukila dingi o kudia kuê kua lusile; ngulu aʼiẋikile, ia vutukila dingi o ku di dimbula mu malôua.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.