Nzuá 10:5 - O Mikanda Ikola

⁵ Muthu uengi ki ji mu kaiela, lémbua! Maji ji mu lenga, mukonda ki jejiia dízui dia athu engi.

Nzuá 10:5 ပူးပေါင်းရင်းမြစ်များ

I Jisobha 22:7

Kuala-phe Jozafate: Kunu kana-ku hanji dingi polofeta ia Ngana, ni tu tena ku mu ibhula?

Jisabhu 19:27

Eie monʼami, se uevu kia ku longo, ximbakata kiá; kana dingi ku kuata o kubhita bhu mbandu, ni kuxa o maka ma kuijiia.

Marku 4:24

Anga ua ambela dingi, uixi: Alukenu kioso ki muívua: kuma o nzongo ioso i mu zonga na-iu phala akuenu, enu uenu iene Nzambi ia mi zongela; anga a mi tela-ku dingi.

Luka 8:18

Kala kiki, tumenu-phe ku kʼijiia kioso ki muívua! Mukonda uoso uala, muène a mu bhana; uoso ua kambe, a mu tambula katé ni kiki kia di fika o kukuata.

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Nzuá 10:4

Kia tundisa o jimbudi jê joso, muène u ji tuamenena ku pholo, o jimbudi anga ji mu kaiela, mukonda jejiia o dízui diê.

II Timote 4:3

Kuma kuanda kuiza thembu athu ka kà xikana dingi ulongelu uadisanze, mbé o kukaiela jihânji jâ jaiibha. Mokonda-phe dia kuzanzala mu matui, a kà lunjika ndumba dia jimesene ja vondadi iâ, jenda ni ku a tangela ioso ia solo ene kuivua.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

I Nzuá 2:21

Uila kiki, eme ki nga mi sonekena mukonda mua kambe kuijiia o kidi, maji mukonda o kidi mua kʼijiia, enu muejiia ue kuila kana-ku makutu ejiia ku kidi.

Dijingunuinu 2:2

Nga ku ijiia ima i uene kubhanga. Nga ku ijiia ue o kukalakala kué ni kukolokota kué ku uene na-ku. Ngejiia ue kuma akua phulu kutena ku a ehela, o ió a dʼixana jipoxolo, manhi ene ki jipoxolo, eie ua a lola, ua a mono makutu.