Nzuá 10:30 - O Mikanda Ikola

³⁰ Mbata eme ni Tata, etuʼ ene umoxi.

Nzuá 10:30 ပူးပေါင်းရင်းမြစ်များ

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Nzuá 10:29

O kutena kua ngi bhana Tata, kuala kota, ima ioso ndenge. Kala kiki, kana muthu u tena ku ji katula bhu maku ma Tata.

Nzuá 10:36

Eme-phe o Tata muène ua ngi solo iu ua ngi tumikisa mu ngongo. Abha-phe enu mua mu ki zuelela-hi kuila eme nga mu ẋonguena Nzambi kioso ki ngi mi tangela kuila eme ngi Monʼê?

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 14:9

Jezú, uixi: Tunde bhuoso bhanhá bhu ngala ni enu, Felipe tata, ku ngʼ ijiia luua? Uoso ua ngi mono eme, ua mono ue Tata; eie uala kuila kiebhi: Tu idikize Tata?

Nzuá 16:15

Ima ioso iala na-iu Tata, iami. Kiene ki nga ki ambela, ngixi: O Nzumbi ua kà katula ko kuami, nʼa mi tudila enu.

Nzuá 17:10

Mukonda ioso o iami ié, ioso o ié, iami. Eme o fuma iami ala ku i muena kua ene.

Nzuá 5:17

Jezú-phe ua a vutuila, uixi: Tata iami ua mu kalakala katé kindala; eme uami ngi kalakala.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Nzuá 8:58

Kuala Jezú: Kidi kiene, ngi mi ambela: Kioso Mbalahamu kiluua a mu vuala. Eme ngeniami kiá.

Matendelelu 6:4

Ivua, Izalaiele, tata! O Jihova, Ngana dia Nzambi ietu, muene Ngana imoxèlele ngó, ka moneka mukuá.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

I Nzuá 5:7

Mbata sai kitatu a bhana umbangi mu diulu: Ni Tata, ni Diambu, ni Nzumbi Ikôla; ene kitatu kiâ a di bhanga Umoxi.