Nzuá 10:27 - O Mikanda Ikola

²⁷ O jimbudi jami, jʼívua dízui diami. Eme ngi jʼijiia, o jene ue ji ngi kaiela.

Nzuá 10:27 ပူးပေါင်းရင်းမြစ်များ

I Jisobha 18:21

Elija bhenhobho u zukama ku kifuẋi kioso hé u ambela, uixi: Kumbi kuxi di mua-ndu lémbua kutenguina bhu kaẋi ka ixinganeku iiadi? O Ngana se muene Nzambi, mu kaiedienu! Maji ki ki kala o Bahale mua mu mono kuma muene ua tokala, mu kaiedienu. Kifuẋi-phe a di xibhʼâ, ka mu vutuila kima.

Izaía 66:22

Kuma, mukuâ ni maúlu mobhe, ni oxi iobhe, i nga-nda kuiudika, a xalela bhu pholo iami, eme ngi Jihova, kiene ue kia kà xalela o mbutu ienu ni dijina dienu.

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 25:12

Muene-phe u a vutuila, uixi: Kidi kiene ngi mi ambela, ki nga mʼ ijiia!

Matesu 7:23

Benhobho eme nga kà a tangela, ngixi: Eme ki nga mʼ ijidile. Tundenu bhu mbandu iami, enu mu ati a ituxi.

Marku 10:21

Jezú ua muʼixi sui, ua mu zolo. Anga u mu ambela, uixi: Eie kima kimoxi ngo kia ku kambe-ku: Ndé, ka sumbise ioso i uavu, o kitadi u ki uanene jingadiama, mbe u kale ni jimbongo ku diulu; nda uize kiua, u ngi kaiele.

Marku 8:34

Bhenhobho Jezú anga u ixana o mundu, u a ambela kumoxi ni jixibulu je, uixi: Se muthu uambe kuiza ku dima diami, kikale u jimba ku di xinganeka muene, a zangule dikulusu die, nʼa ngi kaiele.

Luka 13:27

Muène anga uila: Nga mi ambela kiá: Ki nga mʼijiia kuoso ku mua tundu. Ngi tundidienu bhabha, enu oso mu a-ti-a-ituxi.

Luka 9:23

Anga ua ambela ene oso, uixi: Se sai muthu uandala kuiza ku dima diami, ehe kudibanza muène, a zangule dikulusu diê izuua ioso, ni a ngi kaiele.

Nzuá 10:14

Eme ngi mubidi uambote. Mukuâ ni Tata kia ngʼijiia, eme-eme ue ngʼejiia Tata, kiene ue ngʼejiia jimbudi jami; o jene ue ja ngʼijiia.

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Nzuá 10:8

Oso a ngi diangelele, a kexile míi ni ifumbe; maji o jimbudi-phe ki ja bhele mátui ku dízui diâ.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 21:22

Jezú, uixi: Eme se ngandala kuila muène u xalela-ku, katé bhu nga kejiia, eie kia ku kuatela-hi? Eie, ngi kaiele eme!

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Nzuá 8:43

Enu-phe, mua kambela-hi kuívua o uzuelelu uami? Mukonda maka mami nguenu ku a evua.

Jipoxolo 3:23

Muenhu uoso-phe hádia ua kà kamba kuívua o polofeta ioio, a kà mu muangununa ku athu a Nzambi, hé a kà mu jimisa mu kaxi ka mundu.

I Kolindo 8:3

Maji muthu-phe se u zola Nzambi, ió a mu ijiia kuala muène.

Ngalásia 4:9

Maji o kikiphe, ki mueza mú kuijiia Nzambi,— mba inda ngedi Nzambi ku mʼ ijiia enu,—phala-hi mu alukila dingi ku jinguzu ja jinzumbiʼ ojo ja kubhuila, ja uadiama, ji mua mesena mu kutuka dingi mu ubhika uê?

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Jihebeleu 3:7

Uila kiki, ki ambe o Nzumbi Ikôla: Lelu se mu ivua dizui dia Nzambi,

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.

Dijingunuinu 3:20

Talesa! Ngemana bhu muelu ni kuṗhuṗha. Se muthu u ívua dízui diami, nʼa ngi jikuila dibhitu, ngi bokona mʼonzo iê hé ngi seiala-nê, ni muène ni eme.