Nzuá 10:25 - O Mikanda Ikola

²⁵ Kuala Jezú: Eme nga mi tangela kiá, enu-phe ki mu xikana. O ikalakalu i ngene kubhanga mu dijina dia Tata, iene jimbangi jami.

Nzuá 10:25 ပူးပေါင်းရင်းမြစ်များ

Nzuá 10:32

Jezú-phe, uixi: Ikalakalu iambote i nga bhange iavulu, i nga mʼ idikiza, ia ngi tumu Tata kubhanga. Ku ikalakalu iíi, kikalakalu kuẋi ki mu ngi jibhila ni matadi?

Nzuá 10:37

Se ngi kamba kubhanga o ikalakalu ia Tata iami, kana ku ngi xikana.

Nzuá 10:38

Maji se iene muene i ngene kubhanga, né kiá ki mu ngi xikana eme, xikanenu kiá ngoho o ikalakalu i ngene mù bhanga, phala mu kʼijiie tunde lelu té ku hádia kuma Tata uene mo-muami, eme ngene mua Tata.

Nzuá 11:47

Makota ma jinganga ni jifalizeu, anga a bhongolola o Kionge kia Jitata, exi: Tu bhanga kiebhi? Mukonda muthu iú uala mù bhanga madiuanu mavulu.

Nzuá 12:37

Sumbala-phe ua bhangele madiuanu mavulu kiki bhu pholo iâ, ene-phe ka mu xikana.

Nzuá 14:11

Ngi xikanienu, kuma eme ngene mua Tata, o Tata uene mo muami. Xikanenu mukonda dia ikalakalu iíi i nga mu bhanga.

Nzuá 20:30

Sai dingi madiuanu mavulu ma bhangele Jezú bhu pholo ia jixibulu, ki mòsoneke mu divulu mumu.

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 7:31

Mu kifuẋi-phe sai-mu avulu a mu xikana, exi: Kristu kia-nda kuiza, manhi u kala kota mu kubhanga madiuanu, o iú ndenge?

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Nzuá 8:24

Kiene ki nga ki zuelela kuma muandʼ ufua mu ituxi ienu. Mbata se mua kambe ku ngi xikana eme, muandʼ ufua mu ituxi ienu.

Nzuá 8:56

Tatʼ enu Mbalahamu, ua tanene ni ngalasa mukonda dia kumona o kizuua kiami. Muène ua ki muene, iú ua sanguluka!

Nzuá 8:58

Kuala Jezú: Kidi kiene, ngi mi ambela: Kioso Mbalahamu kiluua a mu vuala. Eme ngeniami kiá.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 2:22

Phetele uixi, dingi: Enu akua Izalaiele, tata, ivenu o makʼ ama: Jezú dia Nazalé muthu a mu jingisa mudienu kuala Nzambi ni ima ia kusuina, ni iphata, ni isumua, ia mu kalakesa Nzambi mu ʼaxaxe kenu, enʼuenu mua ʼijiienunu;

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.