Nzuá 10:1 - O Mikanda Ikola

¹ Jezú uixi: Kidi kiene ngi mi ambela: Uoso ka bokuena bhu dibhitu mu kibhanga kia jimbudi, maji u bandela kuengi, muène muíi ni kifumbe.

Nzuá 10:1 ပူးပေါင်းရင်းမြစ်များ

Jelemiia 14:15

Uila kiki, o jipolofeta ja ku tanga ima mu dijina diami, sè eme ku a tuma, eme ngi Jihova, ngambe kiki, ene ala kuila exi: kana-ku xibhata, kana-ku nzala ianda kuiza moxiʼumu; jipolofeta jenhojo ja-nda kubuika ku xibhata ni ku nzala kuene.

Jelemiia 23:21

Jipolofeta jiji kʼeme nga ji tumu, maji jene jaii ni lusolo; ki ene u nga zuelela, maji né kienhokio, ene a zambula muene mu konda iâ.

Jelemiia 23:32

Jihova uambe, uixi: Eme nga bilukila muene a tanga uanji ua upolofeta mu nzoji ja makutu, anga a ji tanga, anga a bhangesa athu ami ku tondala ni makutu mâ ni udianzunga uâ; kuma eme ki nga a tumu mba ngʼa a bhana ngonge; ene ue o mundu iú ka u bhekela mbote ia kima, Jihova ua ki tange.

Jouele 2:9

A kà bokona mu mbonge, a kà lenga-lenga ku thandu dia imbaka, jinzu a kà ji kanduka ni ku bokuena bhu jinjanena kala ki bhanga o muii.

Matesu 7:15

Dimukinenu o jipolofeta ja makutu, a mi kana mu izuatu ia jimbudi, maji moxi diâ-phe ala jimbinji jahame.

Nzuá 10:7

Jezú anga ua ambela dingi, uixi: Kidi kiene ngi mi ambela: Eme ngi dibhitu dia jimbudi.

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Tito 1:11

Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Jihebeleu 5:4

Kana muthu ue u di metena kusola o ujitu ua Unganga ua Dikota uenʼ iú. Kikale ngó uoso a mu ixana kuala Nzambi kukala Nganga ia Dikota, uila ki exanene Alá.

I Phetele 1:10

O kubhuluka kuenhuku, o jipolofeta ja sotele jinga ku juijiia, ja tunguile jinga ni kutokuesa ni muanu kioso kia kexile mù zambula o kubhuluka ku muandù tambulʼ enu kua Nzambi.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.