Nzuá 1:51 - O Mikanda Ikola

⁵¹ Uixi: Eme ngi mi ambela kuila, hinu mu mona diulu dia jikuka, ni ji-anju ja Nzambi ji banda ji kulumuka ku thanduʼ a Monʼ a Muthu.

Nzuá 1:51 ပူးပေါင်းရင်းမြစ်များ

Dimatekenu 28:12

Ku kilu anga u anjiua nzoji, u mona xikata aʼimika bhoxi ku mavu, maji o sungu iê ia tuta ku diulu; o ji-anjo ja Nzambi ji banda ji kulumuka ku xikata kuenhuku,

Izekiiele 1:1

Ku muvu ua makuinhi a tatu, mu kizuua kia katanu ku mbeji ia kauana, anga ki bhita kuila, kioso ki ngala mu kaxi ka jihutile, bhu ndundu ia ngiji ia Kebale, maúlu a jikuka eme hé ngi mona isunji ia Nzambi.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Matesu 26:24

Monʼa Muthu iú uia mu kúfua, kala kia mu soneka mu Mikanda Ikôla. Muthu ió-phe kokolo diê, ua-nda kuthelekala Monʼa Muthu! Kimuua, muenhó se ka mu vualele!

Matesu 3:16

Jezú-phe kia zubha ku mu batizala, u kala mu zaúka kindala ku menha; talesa-phe, maúlu ma jikuka ku thandu diê, anga u mona Nzumbi ia Nzambi uala mu tuluka kala diêmbe, ni ku mu tula muène ku thandu.

Matesu 4:11

Bhenhobho Diabhu ua mu ambudisa; o ji-anju anga jiza, ji kala ku mu xibhidila.

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Matesu 9:6

Phala enu-phe mu kʼ ijiie kuma monʼ a Muthu uala ni nguzu mu ngongo ia kuloloka ituxi, u ambela o haxi ia kila, uixi: Balumuka, zangula hama ié, uie ku bhata.

Marku 1:10

Kithangana kia kala mu zauka ku menha, Jezú ua mono ku diulu kua jikuka, ni Nzumbi iedi kala diembe, iala mu tuluka ku thandu die.

Marku 14:62

Jezú uixi: Eme-muene. Enuʼenu oso hadia mua ka mona Monʼa Muthu ua xikama ku madilu ma Nzambi Uatena Ioso, ni kia kejiia ni kutuluka ku matuta ma diulu!

Luka 2:13

Muʼanzanzʼumu, anga ku tukuluka kifuẋi kia akua diulu a di bandeka ni mukunji, anga a kala mu kuimba mimbu ia kutondela Nzambi, exi:

Luka 2:9

Mukunji ua Ngana anga u tukuluka bhu mbandu iâ, o kubenha kua Ngana, kua a bhaka mua zele; uôma uavulu anga u a kuata.

Luka 22:43

Anga bhu mu tukulukila anju ia tundu mu diulu, hé i mu suinisa.

Luka 22:69

Maji tunde lelu kiá, Monʼ a Muthu ua-ndu xikama ku madilu ma Nzambi Uatena Ioso.

Luka 24:4

Bhenhobho-phe, ni kia kuxinganeka ka ki mono! O kioso kia bhuuama mukonda dia kienhiki, a tukumuka mala kiiadi emana bhu mbandu iâ, o izuatu iâ i benha.

Luka 3:21

Anga ki bhita kuma, kia zubha athu oso ku a batizala, Jezú ue a mu batizala. O kia-bhu ku mu batizala, kioso kiala mù samba, diulu di jikuka.

Nzuá 1:50

Kuala Jezú: Mukonda nga ku ambela kuma nga ku muene moxi a mufiku, kiene ki ua xikanena? Eie uandu mona ima ia tundu iíi!

Nzuá 10:1

Jezú uixi: Kidi kiene ngi mi ambela: Uoso ka bokuena bhu dibhitu mu kibhanga kia jimbudi, maji u bandela kuengi, muène muíi ni kifumbe.

Nzuá 10:7

Jezú anga ua ambela dingi, uixi: Kidi kiene ngi mi ambela: Eme ngi dibhitu dia jimbudi.

Nzuá 13:16

Mbata ni kidi kiene, ngi mi ambela: Mubhika ka tundu ngana iê, o mukunji ka tundu uoso ua mu katula.

Nzuá 13:38

Jezú u vutula, uixi: Eie u bhana muenhu ué, mukonda diami? Kidi kiene ngi kuambela: Bhua kà kokuela o dikolombolo, eie ua ngi di tunu lutatu.

Nzuá 14:12

Kidi kiene, ngi mi ambela: Uoso ua ngi xikana eme, ikalakalu i nga mu bhanga eme, muène ue u i bhanga, katé u bhanga ue hanji ia tundu, mukonda eme ngala kuia kua Tata.

Nzuá 16:20

Ni kidi kiene, eme ngi mi ambela: Enu mua-ndu dila, mua-ndu kema, o mundu-phe ua-ndu sanguluka. Kidi mua-ndu kala ni malamba, maji o malamba menu-phe, ma-ndu biluka kusanguluka.

Nzuá 16:23

Kizuua kiôkio enu ki mua-ndu ngʼ ibhudisa dingi kima. Kidi kiene, ngi mi ambela: Kioso ki mu bhinga Tata mu dijina diami, muène u mi bhana-kiu.

Nzuá 21:18

Kidi kiene ngi ku ambela: Ki ua kexile u munzangala, u muthu ua ku di kuta o phonda, anga uia mu kuenda kuoso ku ua mesena. Maji ki ua ká kuka-phe, ua kà leka o maku, mukuenu hé u ku kuta, anga u ku bheka kuma ku mesena kuiaku.

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Nzuá 3:5

Jezú uixi: Kidi, kidi, ngi ku ambela: Se muthu ua kambe ku mu vuala ku menha ni ku Nzumbi, ka tena kubokona mu Mbanza ia Nzambi.

Nzuá 5:19

Jezú anga u kuata dingi mù zuela, uixi: Kidi, kidi, ngi mi ambela: Mona ka tena kubhanga kima kʼubheka uê, kala u bhanga ngó ioso ia mona Tata kubhanga. Kuma ioso ima i bhanga Tata, ni Mona u i bhanga kiòmuene.

Nzuá 5:27

Iu ua bhana Mona o kutena kua kufundisa, mukonda muène Monʼ a Muthu.

Nzuá 6:26

Jezú ua a vutuila, uixi: Kidi, kidi, ngi mi ambela: Enu ki mua ngi sotoʼ iki, ki mu ngi sotela mukonda dia kumona idiuanu, maji mukonda dia kúdia jimbolo ni kuikuta.

Nzuá 6:32

Kuala Jezú: Kidi, kidi, ngi mi ambela: Mozé ki muene ua mi bhana o mbolo ia diulu; maji Tata iami u mi bhana o mbolo ia diulu, ia kidi.

Nzuá 6:47

Kidi, kidi, ngi mi ambela: Uoso u ngi xikana eme, u kala ni muenhu ki úabhua.

Nzuá 6:53

Jezú anga u zuela dingi, uixi: Kidi, kidi, ngi mi ambela: Se mu kamba kúdia xitu ia Monʼ a Muthu, se mu kamba kùnua manhinga mê, ki mu tena kukala ni muenhu moxi dienu.

Nzuá 8:34

Jezú u a vutuila, uixi: Kidi kiene, ngi mi ambela: Uoso u ta kituxi, muène mubhika ua ituxi.

Nzuá 8:51

Kidi kiene ngi mi ambela: Se muthu uaiuka o maka mami, kà monʼ ê dingi kalunga.

Nzuá 8:58

Kuala Jezú: Kidi kiene, ngi mi ambela: Kioso Mbalahamu kiluua a mu vuala. Eme ngeniami kiá.

Jipoxolo 10:11

Anga u mona diulu dia jikuka, kuala mu tuluka kima kiedi kala kidilasola ala ku ki zoza ku pondo jê jiuana katé bhoxi.

Jipoxolo 7:56

Bhenhobho uixi: Talesenu! Nga mono diulu dia jikuka, ni Monʼ a Muthu uemana ku madilu ma Nzambi!

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

II Tesalonika 1:9

Enʼ ió o kaxtiku kâ kà kala kingumba kinangenena, o bhu pholo ia Ngana a kà a sandula-bhu, ni ku fuma ia kusuina kuê.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Juda 1:14

Enoko, muène sambuadi mu ku di vuala tundé kua Adá, ua a tange enʼ iâ mu upolofeta tundé mu ukulu munhá, uixi: Talesenu! Ngana hádia uiza ni makuinhi a jimidi ja akunjiʼê a ngene,

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!