Nzuá 1:43 - O Mikanda Ikola

⁴³ Kúkia ni kimene, Jezú uandala kuia ku Ngalileia. Anga u tuama kusota Felipe, hé u mu ambela, uixi: Ngi kaiele.

Nzuá 1:43 ပူးပေါင်းရင်းမြစ်များ

Izaía 65:1

A ngi sota kuala athu ka kexe mu ngʼibhula; a ngi sange kua ió ka kexi mu ngi sota; ku athu mu dijina diami ka tokalele-mu, nga a tambuijila, ngixi: eme bhabhʼú!

Matesu 10:3

Felipe ni Matulu; Tomé, ni Matesu dia mukua kutambula lubhaku; Tiiaku, monʼ a Lufeu, ni Tadeu.

Matesu 4:12

Kiki Jezú kia kʼivu kuila Nzuá a mu te mu ʼaleia, u katuka, anga uia ku Ngalileia.

Matesu 8:22

Kuala Jezú: Ngi kaiele eme; eie ehela afi mu afi a fûnde akuâ.

Matesu 9:9

Kutunda bhobho, mu kubhita, Jezú u mona muthu a mu ixana Matesu, ua xikama bhu kididi kia kutambuila lubhaku. Anga u mu ambela, uixi: Ngi kaiele.

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Nzuá 1:28

Imʼiíi ia bhitile mu Betanha, ku sámbua dia Njolodá, kua kexile Nzuá mu kubatizala.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 1:35

Kúkia ni kimene, Nzuá u kala dingi bhenhobho ni jixibulu jê jiiadi.

Nzuá 1:37

Jixibulu jiiadiʼji, kia mu ivu kuzuela kiki, a kaiela Jezú.

Nzuá 1:44

Felipe muene mukua Betesáida, ku bhata dia Mandele ni Phetele.

Nzuá 12:21

Ene anga eza kua Felipe, mukua Betesáida mu Ngalileia, a mu bhinga, exi: Ngana, etu tuandala kumona Jezú.

Nzuá 14:8

Felipe u mu ambela, uixi: Ngana, tuidikise Tata; kabasa tu mu mona, kia tu soko.

Nzuá 2:11

Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Nzuá 6:5

Jezú kia bhetula o mesu, iu ua kengelela mu jimbandu jê, ua mono kifuẋi kiavulu kia mu kane, anga uambela Felipe, uixi: Kuebhi ku tu sumba jimbolo, athu oso iá nʼ a kale ni kúdia?

Nzuá 6:7

Felipe uixi: Jimbolo ja hama jiiadi ja itadi ki ji soko, kala muthu ni a tambule ngó kambandu.

Filipe 3:12

Eme ki ngedi kuma nga zubha kiá kutolola, ki ngedi kuma nga tenena kiá. Maji nga jiji ni kuenda, phala nga kà tambule kioso eme kia ngi kuatela Kristu Jezú.

I Nzuá 4:19

Etu tu zola, mukonda Nzambi muène ua diangela ku tu zola.