Nzuá 1:38 - O Mikanda Ikola

³⁸ Jezú anga u sakuka, u mona ala ku mu kaiela, anga ua ambela, uixi: Ihi i mua-lu sota? Ene a mu kumbulula, exi: Labi, (Mesene), eie ua tungu kuebhi?

Nzuá 1:38 ပူးပေါင်းရင်းမြစ်များ

I Jisobha 10:8

Azediua o athu é, azediuia o akua mbèle ié iá, ala bhu pholo ié izuua ioso, mu kuivua jinga o kuijiia kué!

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisabhu 13:20

Uoso uenda ni jinjimu, u biluka njimu; uoso-phe u kala kamba dia ku kaiela o ioua, kanange kukituka kala ene.

Jisabhu 3:18

Oso a u kuata, a bongo muxi ua muenhu; azediua athu oso a u jijila.

Jisabhu 8:34

Uoso muthu u ngi bhana mátui muene ua zediua, anga uia ni ku ngi xikamena bhu mielu iami kizuua ni kizuua; hé ukuata ku kingila bhu mielu bhuoso bhu ngi bokuena.

Kuditenda 5:19

Eie-phe, u Jihova, hanji ki ua di fikidila, mukonda eie unagenena muene katé ku hádia ni hádia; o kiându kié kia kuata muene, ku tunda miji kuiza miji.

Luka 10:39

Marta ukala ue ni phangʼiê dijina diê Madiia, Madiia anga u xikama bhu inama ia Jezú, hé u kuata kuívua o maka mê.

Luka 14:25

Kifuẋi kiavulu anga ki kala mú kuila-nê kumoxi. Jezú anga u sakuka, ua ambela, uixi:

Luka 15:20

Anga u balumuka, hé uiza kua tatʼâ. Ki ala mú kuiza-phe, hanji uala dikanga, tatʼâ ua mu mono. Anga henda ia monʼê i mu kuata, u lenga lusolo, u di bhubhala-nê, u mu bhana jibeju.

Luka 19:5

Jezú-phe kia tula bhenhabha, u zambula mesu bhulu, uixi: Zakeu, lenguluka, u tuluke; mukonda nga mesena lelu kukala ku bhata dié.

Luka 22:61

Bhenhobho Ngana anga u biluka, hé u ta mesu kua Phetele ni ku mu tonginina. Phetele anga u lembalala o maka ma Jezú, kia mu ambela, uixi: Dikolombolo ki dia-ndu kokola lelu, katé eie ua ngi di tunu lutatu.

Luka 8:38

O diiala-phe dia bhanduluka ku madimonho, u mu dionda phala a kale-nê. Jezú phe ua mu vutuila, uixi:

Nzuá 1:37

Jixibulu jiiadiʼji, kia mu ivu kuzuela kiki, a kaiela Jezú.

Nzuá 1:39

Muène, uixi: Zenu mu tale. Anga aia-nê, a sanga bhuoso bhua-lu kala, hé a nanga-nê kumbi dienhódio. Ia kexi kiá ola ia kauana ku kièmba.

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

Nzuá 12:21

Ene anga eza kua Felipe, mukua Betesáida mu Ngalileia, a mu bhinga, exi: Ngana, etu tuandala kumona Jezú.

Nzuá 18:4

Jezú kuma ioso ia-nda kubhita ua ijiia, u tuamenena kuia mu kutakana-nâ, uixi: Mukua-hi muala ku mu sota?

Nzuá 18:7

Jezú anga ua ebhudisa dingi, uixi: Mukua-hi muala ku mu sota? Exi: Jezú dia mukua Nazalé.

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 3:26

Anga eza kua Nzuá exi: Mesene, muthu ió ua kexile-nê ku sámbua dia Njolodá, eie anga u mu kala mbangi, hanji ua mu lembalala? Talesa, ua-la ku batizala kiá, ene oso ala kuia kua muène!

Nzuá 4:31

Kiosuʼiki-phe, jixibulu jê jala ku mu dionda, exi: Mesene, kúdia kuku, diâ hanji kama koso-koso.

Nzuá 6:25

O kia zubha ku mu sanga ku sámbua, a mu ibhula, exi: Mesene, eie kunu ueza-ku kiebhi?

Jipoxolo 10:21

Phetele anga u tuluka bhuala mala eneʼ â, uixi: Emʼ iú, mualu ngi sota. Kima kiahi kia mi bheka kunu?

Jipoxolo 10:29

Uila kiki, eme ki ngi te-bhu phata, enu ki mua ngi tumu. Ngebhula-phe kioso ki mua ngi tumina ku ngʼ ixana?

Lute 1:16

Lute-phe, uixi: Kana ku ngi bhomba ni ngi ku xie, anga ngi ku sondoloka hé ngi fula ku ku kaiela; mukonda kuoso ku uia eie, eme ue kuene ku ngiia; bhuoso bhu ua kà tudila eie o usuku, eme ue bhene bhu ngi tula; o mundu ué u kala mundu uami, Nzambi ié Nzambi iami.