Nzuá 1:31 - O Mikanda Ikola

³¹ Eme ue ki ngi mu ijidile, maji ngeza mù batizala ni menha phala muène a tukuluke ni a mu ijiie mu Izalaiele.

Nzuá 1:31 ပူးပေါင်းရင်းမြစ်များ

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Matesu 3:13

Kiki Jezú u tunda mu Ngalileia, anga uiza ku Njolodá kua Nzuá, phala Nzuá a mu batizale.

Matesu 3:6

Muène anga u kala mu ku a batizala mu honga ia Njolodá, ni kufisala o ituxi iâ.

Luka 1:17

Muène u kala mukunji ua Nzambi, ua kà soka ni polofeta Elija mu nguzu ni kutena, nʼa kà bhangesa kuila o ana ni jitata a dʼivua, o ió abhukumuka a kà vutukila mu njila ia kuiuka, nʼa tena kubhangesa kuila o kifuẋi kia diembu dia Izalaiele ki di iudika mu kuxikamena o kuiza kua Ngana.

Nzuá 1:30

Muenhú nga mu tange, ngixi: Muthu iú uiza ku dima diami, maji muène ua ngi tundu, kuma muène ua ngi diangela, mbata ua diangele kiá kukala-ku, kuila eme kiluua a ngi vuala!

Nzuá 1:32

Nzuá anga u bhana umbangi, uixi: Nga mono Nzumbi kutuluka ku diulu kala diembe, anga di tula ku thandu dia muène.

Nzuá 1:33

Eme-mùene ue ki ngi mu ijidile, maji o Nzambi, uoso-phe ua ngi tumu kubatizala ni menha, muène ua ngʼ ambela, uixi: Uoso uà mu mona, Nzumbi i tuluka mu diulu, anga i mu tula ku thandu diê, muène u batizala ni Nzumbi Ikôla.

Nzuá 1:7

Muène uejile mu kala mbangi ia mukengeji, athu oso nʼa xikanene kua muène.

Jipoxolo 19:4

Kuala Phaulu: Nzuá ua mi batizala ni batizu ia ió a mu diela-ke o ituxi iâ. Iú ua longesele o mundu kuma a xikane ió ua mu kaiela ku dima diê, muene Jezú.