Nzuá 1:21 - O Mikanda Ikola

²¹ Ene anga a mu ibhudisa dingi, exi: Tuila-phe kiebhi? Manhi eie Elija? Uixi: Kana! Ki eme. Exi: Eie polofetʼoio tuene ku mu kinga? Uixi: Kana.

Nzuá 1:21 ပူးပေါင်းရင်းမြစ်များ

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 11:14

Se mu ki xikana, Nzuá muene Elija a mu kingile kuiza.

Matesu 16:14

Kuala ene: Amoxi exi: Nzuá dia Batizu; amoxi, exi: Elija; amukuá exi: Jelemiia, mba muthu ku jipolofeta.

Matesu 21:11

Kuala mundu, exi: Muène polofeta, Jezú mukua Nazalé ku Ngalileia.

Luka 1:17

Muène u kala mukunji ua Nzambi, ua kà soka ni polofeta Elija mu nguzu ni kutena, nʼa kà bhangesa kuila o ana ni jitata a dʼivua, o ió abhukumuka a kà vutukila mu njila ia kuiuka, nʼa tena kubhangesa kuila o kifuẋi kia diembu dia Izalaiele ki di iudika mu kuxikamena o kuiza kua Ngana.

Nzuá 1:22

Ene-phe a mu ambela dingi, exi: Eie-phe nanhi? Mukonda tua bhindamena o kuijiia ioso i ua mu di xinganeka éʼmuène, phala tua ka vutuile oso a tu tumu. Eie ua di jimbula kiebhi?

Nzuá 1:25

Anga a mu ibhudisa dingi, exi: Ihi-phe ia ku bhangesa kubatizala, se eie, ki eie u Kristu, ki eie Elija, ki eie u polofetʼoio tuene ku mu kinga?

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 7:40

Athu amukuá mu kifuẋi, ki evu makʼ ama, exi: Muenhó polofeta, kidi kiene!