Hangale anga u bhana dijina kua Jihova ua mu zuelesa, uixi: Eie u Nzambi uene mu kumona; kuma uambe, uixi: Eme uami, bheniʼabha ki ngi mono Nzambi mukua ku ngi mona?
Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.
Tuana ebhula a mamʼâ, exi: O kiki-phe, kuebhi kuala o masa ni vinhu? Hé akala mu kuambukila mu jinzunga ja diembu; anga aia ni kuzubhila o muenhu bhu jihata ja a-mamʼâ, bhene!
Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?
Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.
Ima ioso a ngi bhana-iu eme kuala Tata iami. Kana muthu-phe uejiia se Mona mukua-hi; ua muijiia ngó muène Tata. Kana muthu ue uejiia se Tata mukuahi; ua muʼijiia ngó muène Mona, ni ió uoso Mona u sola ku mu tukuluila-nê.
O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.
Jezú, uixi: Tunde bhuoso bhanhá bhu ngala ni enu, Felipe tata, ku ngʼ ijiia luua? Uoso ua ngi mono eme, ua mono ue Tata; eie uala kuila kiebhi: Tu idikize Tata?
Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.
Kienhókio Jihova anga u mi zuelesela mu milengo ia túbhia; o dízui-phe dia uzuelelu uê mua dʼivua; maji dízui ngó mu dízui, kuma ki mua muene-bhu dingi kidifua kia kima kioso-kioso.
Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.
Anga ki bhita kuila, kioso kiala Josuué mu mukáu ua Jedikó, u zambula mesu, u tukumuka diiala diemana ua di bhana-nê pholo, lukuaku lué lua kuata xibhata ia fomona mu kizu; Josuué anga u mu bhiẋila, uixi: Eie ua di bande kokuetuʼetu, inga ku jinguma jetu?
Muthu se uedi: Nga zolo Nzambi, hé u kala-phe mu zemba phangʼiê, muène mukua makutu. Kuma uoso u kamba kuzola phangʼiê, ua mu mono ni mesu, ka tena kuzola Nzambi kiluua a mu mona.
Muene mua tu tukuluila Nzambi o henda iê ia tu kuatela, Nzambi kia katula Monʼê umoxièlele, anga u mu tumikisa mu ngongo, phala etu ni tu mone muenhu kua muène.
Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.