Nzuá 1:16 - O Mikanda Ikola

¹⁶ Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 1:16 ပူးပေါင်းရင်းမြစ်များ

Jisálamu 84:7

Mu kuenda kuê ku tunda nguzu kuiza nguzu, katé kia bhixila; kuma ene oso a kala kiókio, a kà mona o pholo ia Nzambi mu Ziione.

Zakadiia 4:7

Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Matesu 13:12

Kuma uoso uala, muène a mu bhana, mbé a kale ni kiavulu. O uoso-phe kala, ni kiki kiala na-kiu a mu tambula-kiu.

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Matesu 3:14

Nzuá-phe u sota ku mu fudisa, uixi: Eme-muène nga tokala ku ngi batizala kualʼ eie, kífua eie uiza dingi ko kuami?

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.

Loma 5:17

Kia kidi kiene kuila, mukonda dia muthu umoxi ngó, ni mukonda dia kituxi kiê, kia bhangesa o kalunga kuenda ni kutumina. Maji o kia tundu ue ku kiokio kia bhange o muthu umoxi—Jezú Kristu—kia beta kota! Kuma ene oso a tambula o kiadi kiavulu kia Nzambi ni kubhuluka kua a bhana mu kingoho, à kala mù tumina ku muenhu ua ubhe mua muène Kristu.

Loma 5:2

Mukonda dia kuxikana, Kristu ua tu bheka dingi mu kiadi kia Nzambi mumu mu tuemana mukonda dia kuxikana kuetu, etu tua sanguluka dingi ni kudielela o fuma ia Nzambi.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Loma 8:9

Enu-phe ki muala dingi mù laia kala ki ambe o kikexilu kia xitu, maji kala kiandala o Nzumbi ia Nzambi, se ni kidi kiene o Nzumbi ia Nzambi ua tungu moxi dienu. Muthu-phe se ua kambe o Nzumbi ia Kristu, ka mu tokala muène.

Efezo 1:23

Mukonda o Ngeleja uene o mukutu ua Kristu ua tenena iú ua subhaka ni muène-muene, mukua kuizalesa o ima ioso mu ididi ioso.

Efezo 3:19

ni kuijiia o henda ia Kristu ia tundu o kuijiia kuoso, ni mu kale ni kuizala ni kuizala kuoso kua Nzambi.

Kolose 1:19

Kuma kia vondadi ia Nzambi muene, kuila o Mona, uvimba uoso ua Nzambi Tata, u tunga mua muène ni kutenena kuoso.

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.

I Phetele 1:11

Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.