Nzuá 1:12 - O Mikanda Ikola

¹² Maji amoxi-mu a mu tambulula, ia a xikana dijina diê; enhá Nzambi ua a bhana o kutena kua kukala anʼê.

Nzuá 1:12 ပူးပေါင်းရင်းမြစ်များ

II Samuuele 7:24

Mundu ué ua Izalaiele anga u a tungisa mu kala mundu ué ua di kalela mu mivu ia kambe dizubhilu; eie muene Jihova, ua di bhange u Nzambi iâ.

Izaía 56:5

Eme ue mʼonzo iami ni mu malumbu mami nga kà a bhana-mu kididi, ni dijina dia tundu o dijina dia ana a mala ni anʼa ahatu; dijina dinanga, diene di ngʼa bhana kala muthu mudiâ; o dienhidi ki dia kà bhua-ku dingi.

Jelemiia 3:19

Maji eme ngedile, ngixi: Eme nga-nda ku ku tula kiebhi muʼaxaxe ka ana, anga ngi ku bhana o ixi i tena ku ku uabhela, o ubhinganu ua beta ujitu, ua ifuẋi ia miji? Eme-phe, ngixi: U ngiia Tata, kana dingi ku ngi baluka.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Matesu 10:40

Uoso u mi tambululʼ enu, ua ngi tambulula eme; uoso-phe u ngi tambululʼ eme, ua tambulula ió ua ngi tumu.

Matesu 12:21

Matumbu a kà dielela mu dijina diê.

Matesu 18:5

Uoso u tambulula, kamona mukuâ ni kaka, mu dijina diami, ua ngi tambulula eme.

Nzuá 1:11

Uejile ku athuʼê a mu tokala, athuʼê-phe ka mu tambulula.

Nzuá 1:7

Muène uejile mu kala mbangi ia mukengeji, athu oso nʼa xikanene kua muène.

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Nzuá 2:23

Kienhókio Jezú kioso kia kala mu Jeluzaleme, mu fesa ia Phasu, athu avulu a xikana dijina diê, mu kumona o mediuanu-mê mala kubhanga.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 3:18

Uoso u xikana o Mona, kʼ êla. Maji uoso ua kambe o ku mu xikana, uêle kiá, mukonda ka xikana o Mona umoxi-èlele ua Nzambi.

Jipoxolo 3:16

O dijina dia Jezú, mu ku di xikana, diene dia bhana o nguzu ku muthu iú. O kiki kia bhiti, ki mua mono ni mesuʼenu, enu mua kʼijiia, kiobhange mukonda dia kuxikana o dijina diê. Mbata o kuxikana dijina dia Jezú, kuene kua mu bhana o kudisanza, bhu pholo ienu-enu oso.

Loma 8:14

Kuma oso a endesa kuala o Nzumbi ia Nzambi, ene anʼ a Nzambi.

Loma 8:16

O Nzumbi ia Nzambi muene u bhana umbangi ni nzumbi jetu, kuma tuala tu anʼa Nzambi.

Loma 8:19

Kuma o ibhangelu ioso ia xibhidila ni ku kinga o kithangana kia kutukuluka kua anʼ a Nzambi.

Ngalásia 3:26

Mukonda enu oso mua di bhange mu anʼ a Nzambi, mu kuxikana Kristu Jezú.

Ngalásia 4:6

O mu kuidikiza kuila tuala tu anʼê, Nzambi ua tumikisa Nzumbi ia Monʼ ê mu miẋima ietu, o Nzumbi i tena kudikola: Abha, Tata!

Kolose 2:6

Uila kiki, kioso ki mua tambulula Ngana, Kristu Jezú, kiene ki muenda mua muène.

II Phetele 1:4

Kiene kia mu bhangesa ku tu bhana jipolomesa jê jakulu kinéne ja ujitu. Muène ua bhange kiki phala ku jipolomesʼiji, ja ujitu, tu nomone ku kidifanganu kiê kia unzambi, mbe se tueji ku di bhala kiá mu kubola kuene ku mundu mukonda dia jihânji jaiibha, tu tene kubhulaka.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.

I Nzuá 3:23

O kijila kiê kia tu tumu, kienhiki: Kuila tu xikane mu dijina dia Monʼê Jezú Kristu, tuixi ni kudizola mudietu, uila muène Kristu kia tu tumu.