Ngalásia 6:4 - O Mikanda Ikola

⁴ Kala muthu a lole o uendelu uê, mbé o kia ta nzabala, i kale ia kibhangelu kiê-muene, sé kubhindamena kudifikisa mu uendelu ua athu engi.

Ngalásia 6:4 ပူးပေါင်းရင်းမြစ်များ

Jobe 13:15

Né-mbe muene u ngi jibha, hanji nga kinga kua muene; sumbala kiene, maji jinjila jami ngi ji zokela kua muene.

Jisálamu 26:2

Ngi tokuese, Johova, u ngʼijiie; ngi tekule muẋima ni ilunji.

Jisabhu 14:14

Muthu uaiibha o muẋima, njila jê hádia ja-nda ku mu kuma; maji o muthu uambote-phe, ka xikina ku uabhela o ífua iê.

Luka 18:11

O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.

I Kolindo 11:28

Kala kiki, muthu-phe a diange ku di tekula o muẋima uê moxi, nʼ a diê kiua o mbolo, nʼ a nue ku kopho.

I Kolindo 3:14

Uoso muthu o thungu iê i xala ia tungila ku disesa kuenhoko, muene ua kà tambula nganhu.

I Kolindo 3:8

Maji ni iú ua kunu, ni iú ua tekela, a soko, kuma ene oso ene amoxi. Kala muthu-phe hinu ua kà tambula o nganhu iê kua Nzambi, kioso kia tokala mu kukalakala kuê.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 13:5

Di lodienu enu-enu mba mu kuxikana enu momo. Inga ki mua kʼijiia kuma Kristu u kala moxi dienu? Kukamba kukala moxi dienu, kikale mua sekala.

Ngalásia 6:13

Mukonda katé-phe ni ene a tambula o kifua kia kusaia, a lémbua ku aiuka o Kitumu. Maji andala-phe a mi bhitisa o kifua kia kusaia, phala ene a di te thathe kuila ene a tesa o kidimbuʼ iki ku mikutu ienu.

Filipe 1:26

Phala o kutana kuenu kuvule dingi mua Kristu Jezú, mù kuiza kuami kukala dingi ni enu kumoxi.