Ngalásia 5:2 - O Mikanda Ikola

² Talesenu! Eme, Phaulu, nga mi ambela kuma, se mua toloka phala ku mi saia, Kristu-phe ka mi bhandulula ni kima.

Ngalásia 5:2 ပူးပေါင်းရင်းမြစ်များ

Jipoxolo 15:1

Ku kala athu ku Judeia a kulumuka kuenioko, ku Andiioka, hé a kala mu longa jiphange, exi: Se mu kamba ku mi saia, uila kia-xi Mozé o kijila, mu Kitumu, ki mu tena kubhuluka.

Jipoxolo 15:24

Mukonda tua kʼ ivu kuma athu a tundu mu dietu a mi tatesa o miẋima ni jiphata mu ioso ia mi tangela, sumbala etu ki tua a tumu phala kuia mu kubhanga kieniókio.

Jipoxolo 15:5

Kieniokio-phe, kuimana athu amoxi, akua kisoko kia jifalizeu, a xikana kiá, exi: Athu oso ki Jijudé, kikale tu a saiesa, ni tu a tendelela kukuata o Kitumu kia Mozé.

I Kolindo 16:21

Umenekenu uami eme ngi Phaulu, u nga soneka ni lukuaku luami eme-muène.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

Ngalásia 5:11

O ki kala, jiphange, se eme hanji ngene kulongesa o kusaia, kima kiahi-phe kia a bhekela o ku ngi zukutisa? Se kia kexile kia kidi, o dilebhu dia dikulusu di ngene mù kola hinu diabhu-ku.

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

I Tesalonika 2:18

Mukonda dia kubhindamena ku mi sanga koko, mbé tu di mone dingi, eme Phaulu nga sotele kuia, maji ngi sota ngi tona, Satana-phe ua tu fudisa.

Filemone 1:19

Eme Phaulu nga ki soneka ni lukuaku luami muene, kuila: Hinu ngi ki futa. Oko ki ngi bhindamena-phe ku ku lembalesa kuila eie-muène o muenhu ué ua u di dikongo ko kuami.

Filemone 1:9

Inda-phe ngi ku dionda, mukonda dia henda ié i nga ku kuatela, maji ngandala ngó ku ku bhinga kima kimoxi. Sumbala ngala ngi Phaulu dia muthu Uokulu kiá, ngunza ia Kristu Jezú, hutile iê.

Jihebeleu 4:2

Kuma kia kidi kiene, etu a tu tudila o Jingolokela Jambote kala ene. Ene-phe ka bhandulukile kima mukonda o maka ki ma takana ni kuxikana mu miẋima ia oso a evile.