Ngalásia 5:18 - O Mikanda Ikola

¹⁸ Maji se a mi endesa kuala o Nzumbi ia Nzambi, ki muala dingi mu ubhika ua Kitumu.

Ngalásia 5:18 ပူးပေါင်းရင်းမြစ်များ

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Izekiiele 36:27

Anga mʼoxi dienu nga kà tula-mu o nzumbi iami, ni ngi mi bhangese kuenda mu jingonge jami, ni kubhaka o mabatuilu mami, ni muende ni ku a bhanga.

Nzuá 16:13

O kʼ iza-phe ió, o Nzumbi ia kidi, mùene u mi endesa mu kidi kioso. Kuma muène ka kà di zuelela o iê muène, maji ioso i evua, iene ia kà mi ambela, hé ua kà mi tangela ima ia kèza-ku.

Loma 7:4

Kala kiki-phe, kiene kimoxi ni enu, phange jami. Enu uenu a mi bhange mu afi a Kitumu, mukonda mu mbandu kiá ku mukutu ua Kristu. Kiki Muène mua mu tokala, muenʼió ua fukunuka mu ʼalunga, ni tu kale tu luvalu lua ngene lua Nzambi.

Loma 8:12

Kala kiki-phe, jiphange, ki mu fuama dingi kulaiela xitu, mukonda o xitu ki mua di dikongo diê, kuila mu kaiela xitu.

Loma 8:14

Kuma oso a endesa kuala o Nzumbi ia Nzambi, ene anʼ a Nzambi.

Ngalásia 5:16

Ki ngambe-phe, kiki: Ehelenu o Nzumbi ia Nzambi ku endesa o mienhu ienu, ki mu kale mu kutumaka dingi o jihanji ja xitu.

Ngalásia 5:23

kubelesela, ni ku di tumina jihanji. O ima kala iii, kana-ku kitumu kia ku i kidika.

Ngalásia 5:25

Muenhu uetu se ua tundu kua Nzumbi, tu endienu-phe kiá ni Nzumbi.

I Timote 1:9

Mukonda kima kiambote ue o kuijiia kuma o Kitumu ka ki bhangela muthu uaiuka, maji a ki bhangela athu a baluka, a xibhaka, athu a kambe kuijiia Nzambi, akua ituxi, athu ka moneka kima kià bheza, ima ia nzumbi a i tokoka. A ki bhangela phala ió a jibha tatʼâ ni mamʼâ, o ijibhanganga,

II Timote 1:7

Kuma o Nzumbi ia Nzambi ka tu bhana muẋima ua kuteketa. Maji o Nzumbi ua tu izalesa ni undanda, ni henda, ni muẋima ua kusunga kilunji.