Ngalásia 5:11 - O Mikanda Ikola

¹¹ O ki kala, jiphange, se eme hanji ngene kulongesa o kusaia, kima kiahi-phe kia a bhekela o ku ngi zukutisa? Se kia kexile kia kidi, o dilebhu dia dikulusu di ngene mù kola hinu diabhu-ku.

Ngalásia 5:11 ပူးပေါင်းရင်းမြစ်များ

Izaía 8:14

Bheneʼobho-phe muene ua-nda ku di-bhanga dibhezelu dienu di kôla; maji ua kà di bhanga ditadi dia kidibhukanu, ndanji ia iẋanju ku mabhata maiadi ma Izalaiele; ua kà kituka mubhetu ni múkala phala iá a tungu mu Jeluzaleme.

Jipoxolo 16:3

Phaulu anga u mu inda kuianê mu kuenda. Anga u tuma ku mu saia mukonda dia Jijudé ja tungu mu jimbanduʼ ojo, kuma ene oso a mu ijiia kuila tatʼâ Ngeleku.

Jipoxolo 21:21

Eie-phe a ku ivu fuma kuma o Jijudé ja muanganena mu matumbu, eie uene ku a longesa kuxa o Kitumu kia Mozé. Evu ue kuila eie uene ku a longesa kukamba kusaia anʼ â, ni kukamba kukuata o ijila ia Jijudé.

Jipoxolo 21:28

Exi: Mu akua Izalaiele tu bandienu! Iala muenʼ iú mukua kulongesa o athu kuene kuoso phala kuzemba mundu ua Izalaiele, ni kuzemba o Kitumu kia Mozé, ni kididi kiki, kia Tembulu. Bheniabha iú uala kubheka mu tembulu o athu ió ki Jijdué, phala kukasanesa o kididi kiki kikôla!

I Kolindo 1:18

Kuma o maka ma kufua kua Kristu ku dikulusu, phala athu ala mu ku texika, kiedi kala uoua; maji phala etu-phe tuala mù bhuluka, ene o nguzu ia Nzambi.

I Kolindo 1:23

Maji etu-phe tuala mù kola Kristu, muthu ua fuila ku dikulusu, kia bhingi o Njimbu iê phala Jijudé kima kia a xitisa mu thulu phala ió ki Jijudé exi uoua.

I Kolindo 15:30

Ku mbandu ietu-phe, mukonda dia-hi, etu uetu tuemana ithangana ioso mu iluezu?

Ngalásia 2:3

Maji-phe né Tito, mukuetu nga kexi-nê, sumbala Ngeleku, ka mu bhinjikile ku mu saia.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Ngalásia 4:29

Kala-phe ki kia bhitile mʼ ukulu munhá, o mona mukua Uvadiue uê ua xitu u kala mú zukutisa o mukua Uvadiue ua Nzumbi ia Nzambi. Ni kiki ue, kiene hanji ki kiala kubhita.

Ngalásia 6:12

Oso andala o ku dʼidikiza ni ku di ximana (ku di ta nzabala), mu xitu, ene a mu mi bhinjika ni ku mi saia. A ki bhangela-phe ngó o kuiengesa ku a zukutisa, mukonda dia dikulusu dia Kristu.

Ngalásia 6:17

Kala kiki, ku pholo ku tuia, ki bhu kale dingi muthu u ngi tela ima i ngi tatesa. Kuma o itote i ngʼ ambata ku mukutu uami, iene idimbu ia mu kuidikisa kuila ngi selevende iangene ia Jezú.