Ngalásia 5:10 - O Mikanda Ikola

¹⁰ Maji eme-phe hanji nga mi dielela mua Ngana. Kuma o kuongama kuetu mua Ngana, kua ngi dielelesa kuila, ki nga mu xinganeka emʼiki, enu uenu ki muandù kala dingi ni ilunji iengi. Maji nga ki dielela ue kuila, ió uoso ua mi tatesa, a kuliê, a toliê, hadia Nzambi ua kà mu bhana kaxtiku kê.

Ngalásia 5:10 ပူးပေါင်းရင်းမြစ်များ

Jipoxolo 15:24

Mukonda tua kʼ ivu kuma athu a tundu mu dietu a mi tatesa o miẋima ni jiphata mu ioso ia mi tangela, sumbala etu ki tua a tumu phala kuia mu kubhanga kieniókio.

I Kolindo 5:5

Enu muthu u kala kiki mu bhakuidienu Satana, phala a mu buikise o mukutu uê, maji o nzumbi iê phala i bhuluke mu kizuua kia Ngana Jezú.

II Kolindo 1:15

Mu kudielela kiki o ima ioso ienhiʼii, ku dimatekenu ngambele kudianga kuiza ko kuenu, phala ku mi kunda, mbé o mbote mu i mone lua kaiadi.

II Kolindo 10:2

hinu se ngiia kuemʼoko, ki mu ngi bhangese kuẋinuka. Mukonda amoxi-mu a mu fika kuma o uendelu uetu ua ku kaiela ima ia xitu.

II Kolindo 10:6

Enu-phe ki mu zubha ku lola o kutumaka, etu uetu tu tena kuzoka kiá ni kubhana kaxtiku kua iá oso a xibhaka.

II Kolindo 13:10

Mukonda dia kiki kiene ki nga mi sonekena imʼiii kiosuʼiki eme ngala kuengi, phala hinu ki ngi mi sanga ki ngi mi temene mu kijingu kia ngi bhana Ngana. Kuma kijungu kia ngi bhana kia kutunga, ki kia ku muanga, kana.

II Kolindo 2:3

Kiene ki nga ki sonekena mu mukanda uenhó. Kuma eme ki nga mesenene kuia, anga a mi kuatesa mukondo kuala athu ió a tokalele kuila ene a ngi sanguluisa. Kuma eme nga mi dielela kuila kioso eme ki ngi kala ni kuzediua, o ngalasa iami i kala ngalasa ienu enu oso.

II Kolindo 2:6

O muenhó, koso kaxtiku kê ka mu bhana kiá akuâ avulu, ka mu soke.

II Kolindo 5:16

Uila kiki, ku pholo ku tuia, kana muthu tu mu fika dingi mu imbamba ia xitu. Né-mbe Kristu muène tua mu fika jinga mu xitu, kiki ki kiene dingi ki tu bhanga.

II Kolindo 7:16

Eme ue nga sanguluka, kuma ngi tena ku mi dielela mu ima ioso.

II Kolindo 8:22

Kumoxi ni ene, tuala ku mi tumikisa dingi phange ietu iamukuâ. Muthu iú etu tua mu lola jinga kiá kiavulu, etu tuejiia kuila muène izuua ioso uala polondo phala kukuatekesa. O kiki ki edi enu ue ua mi dielela dingi kiavulu, muène ue ua beta dingi kukala ni vondadi ia kukuatekesa.

Ngalásia 1:7

Njimbu iengi, maji ki Njimbu Iambote. Kiene ki nga ki ambela kuila athu ngó a mu mi vunza, andala o Njimbu Iambote ia Kristu a i lungulula.

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Ngalásia 4:11

Nga mi kala ni hèle iavulu! Manhi o hadi ioso inhá i nga mi talela kifua iaié ngó?

Ngalásia 4:17

Athu enʼió leluʼidi a suina ni ku mi bhomba, maji kala ni muẋima uambote. Mukonda a mesena a mi sandula ko-kuami phala mu di tambulule ni ene, muie ni ku a xinganeka mukuâ ni ki muene ku ngi xinganeka eme.

Ngalásia 4:20

Nginda ngi kala kindala mu ʼaxaxe kenu, ni ngi lungulule dizui mu kuzuela ni enu. Kuma muẋima ua ngi sakalala kiavulu mukonda dienu!

Ngalásia 5:12

Eme ngʼ inda kuila enʼ ió ala ku mi vunza a di nongona ene mu lumoxi ʼté ku hádia!

Ngalásia 5:7

Enu mua kexi mù kuenda kiambote! Nanhi ua mi fudisa, phala o kidi mu kambe ku di tuma na-kiu?

Ngalásia 6:17

Kala kiki, ku pholo ku tuia, ki bhu kale dingi muthu u ngi tela ima i ngi tatesa. Kuma o itote i ngʼ ambata ku mukutu uami, iene idimbu ia mu kuidikisa kuila ngi selevende iangene ia Jezú.

Filipe 3:15

Ndokuenu kiá, etu oso-ku tua kulu kiá mu nzumbi, tu kadienu ni kilunji kia kuxinganeka jinga kala kiki. O ki kala sai ni bhuma bhu mua kuatela kilunji kiengi, kieniokio ue Nzambi u mi jimbuluila-kiu.

II Tesalonika 3:4

Tua mi dielela ue mua Ngana, kuma mua bhange ima ioso i tua mi tendelela, ni ku pholo iene i mu bhanga.

I Timote 1:20

O mua enhá muene muala Himenu ni Xandele, u nga bhakuila Satana, phala a di longe kueha o kuxinga Nzambi.

Filemone 1:21

Kienhiki ki nga mu ku sonekena, mukonda muẋima ua ngi dielela kuma kioso ki nga mu ku bhinga, eie uanda ku ki bhanga. Ngejiia muene kuma ki nga tange ki kiene ngó ki u bhanga, maji uanda kuta-ku dingi.