Ngalásia 4:9 - O Mikanda Ikola

⁹ Maji o kikiphe, ki mueza mú kuijiia Nzambi,— mba inda ngedi Nzambi ku mʼ ijiia enu,—phala-hi mu alukila dingi ku jinguzu ja jinzumbiʼ ojo ja kubhuila, ja uadiama, ji mua mesena mu kutuka dingi mu ubhika uê?

Ngalásia 4:9 ပူးပေါင်းရင်းမြစ်များ

I Jisobha 8:43

eie-phe ívua ku maúluʼoko, ku ua tunga, anga u bhanga ioso ia ku bhingi o ngenji, sembele madiembu oso mu ngongo ejiie o dijina dié, nda a ku kuatele uoma kala o kifuxi kié kia Izalaiele, anga ejiia kuila o dijina dié ene ku di tumbuila ku inzo iii i nga tungu.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jisálamu 1:6

kuma Jihova uejiia njila ia athu aiuka; njila-phe ia athu abhumu ia kutexika.

Jisálamu 9:10

Oso a ku ijiia o dijina, eie muene u Jihova a ku dielela; kuma, eie Jihova, ku muthu ua kukakula oso a ku kana.

Makatukilu 33:17

Jihova anga u ambela Mozé, uixi: Ngi ki bhanga muene, kima kienhiki ki ua zuela, kuma eie ua sange muene ngalasa ku mesu mami, u muthu nga ku ijiia dijina.

Jisabhu 2:5

eie-phe ua-nda kuijiia uoma ua Jihova, anga u dʼijiia kiambote ni Nzambi.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Habakuke 2:14

Mukonda o ixi ia kʼèzala ni kuijiia kua fuma ia Nzambi, mukuâ ni menha ki ezalesa o musanza ua kalunga.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Luka 5:38

Vinhu iòbhe-phe kikale a i ta mu isudi iòbhe.

Nzuá 10:14

Eme ngi mubidi uambote. Mukuâ ni Tata kia ngʼijiia, eme-eme ue ngʼejiia Tata, kiene ue ngʼejiia jimbudi jami; o jene ue ja ngʼijiia.

Nzuá 10:27

O jimbudi jami, jʼívua dízui diami. Eme ngi jʼijiia, o jene ue ji ngi kaiela.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Loma 8:29

Kuma oso Nzambi a diangele ku ejiia, ua a tungula ukulu, phala a kituke mu kidifua kia Monʼ ê. Muène ua bange kieniiki phala o Mona nʼ a kale thungunu mu jiphange javulu.

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

I Kolindo 8:3

Maji muthu-phe se u zola Nzambi, ió a mu ijiia kuala muène.

II Kolindo 11:20

Mu lendukila oso ene ku mi tumina ni ku mi dia mangonha, oso a mi nganala, oso a mi bhikisa, ni iá a mi bhana o jihuxi.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Ngalásia 3:3

Mua tobhela-hi kiosuʼ iki? Enu mu andekelele mu Nzumbi ia Nzambi, kifua muandù zubhila mu xitu?

Ngalásia 4:3

Kiene kimoxi ue ni etu kioso ki tua kexile tu anandenge mu nzumbi, tua kexile mu ubhika ua imbamba iala ni nguzu ia kutumina mu ngongʼ umu.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

II Timote 2:19

Maji o dimanenu dia te Nzambi-phe hanji dia kolo, ki di tunguta. O ku dimikinu dienhidi dia te Nzambi, a soneka-ku exi: Ngana uejiia oso a mu tokala. Exi dingi: Muthu uoso u amba kuila ua tokala Ngana, ki bhinga ituxi u i ambula.

Jihebeleu 7:18

Uila kiki, o kijila kia diangele-ku, a ki katula-ku, mukonda dia kuseluka kuê ni kukamba o kusedivila.

II Phetele 2:20

Kuma athu, se a bhulukile kiá ku maufusa ma mundu iú, mu kuijiia Ngana ietu, Mubhuludi Jezú Kristu, maji o ku pholo ku eza kunu afu dingi mu mibhetu ia ima iene ku mundu, a toloka, eza ditala dia kuxixima kuengi, inda hanji kia diangele kukala.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.