Ngalásia 4:4 - O Mikanda Ikola

⁴ Maji kieza o thembu iatenena, Nzambi ua tumikisa Monʼê muene. Muene iú ueza kala mona a mu vuala ku muhatu mu ngongo, a mu vuala iú ua kudila bhoxi dia Kitumu kia Jijudé.

Ngalásia 4:4 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Izaía 48:16

Ngi zukamienu, muivue kiki: Tundé mu dimatekenu ki ngi fueta, kana; maji tundé bhaná bhu kia di-bhangela, eme bhene bhu nga kexe; kindala-phe Muadi Jihova, ua ngi tumikisa o Nzumbi iê.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Jelemiia 31:22

Ua kà suka bhebhi ni kubungana, ki ua ẋinukʼokio, monʼa kilumba? Kuma Jihova ua bhange kima kia ubhe mu ngongo Muhatu umoxi ua-nda ku ta iala dimoxi mu lukumbi.

Zakadiia 6:12

Hé u mu tangela, uixi: Jihova dia Ilombo Ieta, mu kuzuela, uambe kiki: Talesa-ze, muthu iú ua bhingi kuila jina diê, Thangu Luobhe; muene ua kà sabhuka bhu kididi kiê, anga ua kà tunga o Tembulu ia Jihova.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 28:22

ni kisutu kia hombo kia sata ia ituxi, ia ku mu bhangela kiamenga.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Matesu 3:15

Jezú-phe u mu vutuila, uixi: Ngehele hanji kiosuʼiki; kuma kiene kia tu fuama kubhanga, mu ku kumbidila ioso iaiuka. Bhenhobho Nzuá ua mu ehela.

Matesu 5:17

Ki mu fike kuma eme ngeza mu bhuisa-ku o Kitumu kia Mozé mba o ulongelu ua misèsedi. Eme ki ngeza mu i bhuisa, maji ngeza mu ku i tenesa.

Marku 1:15

O thembu ia tenena kia, Utuminu ua Nzambi ua zukama. Dielenu o ituxi ienu, mu xikane o Njimbu Iambote i mi bhana o kubhuluka.

Luka 1:31

Talesa, ua-ndu kuimita mu vumu dié, hinu u vuala monʼa diiala, u mu luka dijina dia Jezú.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Luka 2:7

Anga u vuala monʼê ua dianga, anga u mu futa mu milele, hé u mu zekesa mu kidilu kia ibhku, kuma mu kijima ka muene-mu kididi.

Luka 20:44

Davidi kia mu ixana Nganʼiki, u kala kiebhi-phe monʼ ê?

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 10:36

Eme-phe o Tata muène ua ngi solo iu ua ngi tumikisa mu ngongo. Abha-phe enu mua mu ki zuelela-hi kuila eme nga mu ẋonguena Nzambi kioso ki ngi mi tangela kuila eme ngi Monʼê?

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

Nzuá 8:42

Kuala Jezú: Se Nzambi ua kexile Tata ienu, enu mueju ngi zola eme, mukonda kua Nzambi kuene ku nga tundu. Ki eme ngó nga dʼ ijila, maji Nzambi muène ua ngi tumu.

Jipoxolo 1:7

Kuala muène: Enu ka mi bhana-kiu, o kuijiia jithembu ni kizuua kia xindi Tata mu kutena kuê-muène.

Loma 1:3

Iene ia mu tanga o Monʼ a Nzambi, ngana ietu Jezú Kristu. Mu kidifua kia muthu, Muène ua tunda ku mbutu ia sobha Davidi.

Loma 15:8

Kuma eme nga mi ambela kuila Kristu ua di bhangele mukunji ua Jijudé phala kuidikiza kuila Nzambi kene mu kualuluka, mbé o izuelu ioso ia bhele Nzambi ku Jitata a i kumbidile.

Loma 5:6

Kuma ki tua kexile hanji tua lémbua kubhanga kima kioso-kioso, Kristu kia bhixila bhu thembu iê ia solo Nzambi, ua fuila athu abhumu bhu kididi.

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

Loma 9:5

Ku muiji uâ kuene kua tokala o jitata. Kuene ue kua tundu Kristu, se tu mu tanga mu kidifua kiê kia xitu. O muène-phe muene Nzambi ua mu tumina oso, a mu ximane sé dizubhilu. Amén.

Efezo 1:10

O kikanenu Nzambi kia kà bhanga, o kuila kioso hinu kia kà tenena o thembu, ima ioso, kixi ima ku diulu, kixi ima mu ngongo, i takanena mua Kristu, o mutue uâ.

Kolose 2:14

Ua jimuna o mukanda ua makongo etu, a tu kuikile mukonda dia ijila ia Kitumu. Ima ia tu fudisile ua i katula mu njila, o mukanda ua dikongo dietu ua u batela ku dikulusu diê.

I Timote 2:6

ua di bhele kíximbi kia ku tu kula etu ene oso. O iú uene umbangi uê uaxalela, ua bhana bhu thembu ioso ia tokala, kuila Nzambi uendi athu oso a bhuluka.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.

I Nzuá 4:14

Etu tua ki mono, tua ki kundila ue akuetu kuila, Nzambi ua tumikisa Monʼê mu kukala Kibhamuenhu kia mundu.

I Nzuá 4:2

O bhabha bhene bhu mua-nda kuijidila se o Nzumbi íii ia tundu kua Nzambi mba kana: Uoso u tanga kuma Jezú Kristu ueza mu mukutu ua xitu, ió uala ni Nzumbi ia tundu kua Nzambi.