Ngalásia 4:16 - O Mikanda Ikola

¹⁶ Manhi kiki nga di bhange ngi nguma ienu, mu ku mi tangela o kidi?

Ngalásia 4:16 ပူးပေါင်းရင်းမြစ်များ

I Jisobha 21:20

Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.

I Jisobha 22:27

anga mua kèla: Sobha uambe kiki: Diiala iú mu jikilienu mu kaleia, anga mu mu dikila jinga ni mbolo ia phaxi ni menha ma jingongo, katé eme kioso ki ngiza ni uembu.

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

II Malunda 25:16

Kiosuʼiki hanji polofeta iu u mu zuelela, muene u vutula, uixi; Eie a ku te phala kubhana kaiula kua sobha? Dixibhe! Phalaʼhi a ku kuama ngó? Polofeta anga u dixibha, maji, uixi: Nga ki mono muene, kuila Jihova ua te kiá hundu ia ku ku sengulula; mukonda dia kiki ki ua bhange; eie ua ditunu kubhana mátui ku kaiula kami.

Jisálamu 141:5

Uoso uaiukʼó, kia ngi beta, ngʼila kuma ua ngi bhange mbote; o kia ngi bazela, ki kala kala maji ma ngi uaie, ma ngi tula muene kiambote mu mútue; ió né a jijila uthu uengi, eme ngi kolokota ni kusamba.

Jisabhu 9:8

Kana kubazela semenhi, phala muene ka ku zembe; se uambe kubazela, bazela-phe o njimu, muene ua-nda ku ku zola.

Amoji 5:10

Enhó kia mona bhu muelu muthu u a bazela, ki a ibhila; uoso u tanga kidi ene a mu zemba.

Nzuá 7:7

Mundu ki u tena ku mi zemba enu, maji ua ngi zembe eme, mukonda ngi mbangi, ngixi ikalakalu iâ iaiibha.

Nzuá 8:45

Eme-phe mukonda nga zuela kidi, enu ki mu ngi xikana.

Ngalásia 2:14

Eme-phe ki nga mono kuma kala kuenda kia iuka kala kia fuama mu kidi kia Njimbu Iambote, ngʼambelele Phetele bhu pholo ia ene oso, ngixi: Eie uala u Judé, se ua tambulula kiá kikexilu kia umatumbu, o kia ujudé kana dingi, phala-hi u bhinjika dingi o matumbu kukuata ujudé?

Ngalásia 2:5

Enʼió-phe ki tua ẋikinine ku a enzela, mba ku a tolokela, né bhofele ngó, mbebhu o kidi kia Njimbu Iambote ki xale mu ʼaxaxe kenu.

Ngalásia 4:15

Enu mua kexile muene ni kutana kuavulu! Kima kiahi kia mi bhitile? Eme ngi mbangi ienu, mbata ngi ki tanga, ngi tona kuila, se kia ẋikinine ku ki bhanga, hinu o mesu menu muene mua ma lokola phala ku ngi bhana-nâ eme.

Ngalásia 4:17

Athu enʼió leluʼidi a suina ni ku mi bhomba, maji kala ni muẋima uambote. Mukonda a mesena a mi sandula ko-kuami phala mu di tambulule ni ene, muie ni ku a xinganeka mukuâ ni ki muene ku ngi xinganeka eme.

Ngalásia 5:7

Enu mua kexi mù kuenda kiambote! Nanhi ua mi fudisa, phala o kidi mu kambe ku di tuma na-kiu?