Ngalásia 4:14 - O Mikanda Ikola

¹⁴ Suke o uhaxi uami uedile kala kima kia mi tundu o thulu kieza ku mi lola, maji enu-phe ki mu ngi di tunu, mba mu ngi tènda. Inda mua ngi tambulula muene kala ngi anju ia Nzambi, mba kifua eme-muene kiá Kristu Jezú.

Ngalásia 4:14 ပူးပေါင်းရင်းမြစ်များ

Matesu 10:40

Uoso u mi tambululʼ enu, ua ngi tambulula eme; uoso-phe u ngi tambululʼ eme, ua tambulula ió ua ngi tumu.

I Tesalonika 2:13

Mukonda dia kiki ue, tuene mù sakidila jinga Nzambi, sé ngó kufula. Kuma o thembu ia mi sange o Maka metu ma Ukunji koko, maka mene ma Nzambi, enu mua evu, mua a tambulula, kana kuma maka a muthu maji kuma ene o Maka ma Nzambi, mu kidi. Mukonda o Nzambi uala ku mi kalakala moxi dienu oso mua xikana.

Jihebeleu 13:2

Kana kufula kutambulula asonhi mu mabhata menu. Kuma amoxi mu ku ki bhanga, a langeka ji-anju sé ku kʼijiia.

II Kolindo 5:20

Kala kiki, tua mu zuela bhabha mu dijina dia Kristu, kala muene Nzambi uala ku mi ambela mu makanu etu, kuila: Mu dijina dia Kristu, ehelenu Nzambi a mi bilule mu tunde mu kukala mu jinguma jê, a mi bhange mu makamba mê.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

II Samuuele 19:27

Muene kifua ua ngi tatela ko kué, kùku, ngana iami. Maji eie-phe, kùku, ngana iami, uala mukua ni anjo ia Nzambi; bhanga-phe kioso ki ua mono kia tokala.

II Samuuele 14:17

Bhenhobho, kùku, ngi kahatu ké, ngixi dingi: Kizuelu kia muenexi ki kale kia kutululuka; kuma ki ualʼokio, kùku, ua di bhange mukuâ ni anjo ia Nzambi mu kutongolola kiauabha ni kiaiibha. O Jihova Nzambi ié a ku kuatekese.

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

Ngalásia 4:13

Maji mua kʼ ijiia kuma uhaxi ua xitu ua ngi bhekele, o thembu i nga diangele ku mi bokela o Njimbu Iambote?

I Kolindo 4:10

Etu tuala tu ioua, mukonda dia Kristu, enu-phe mua Kristu mu jinjimu! Etu tua bhuila, enu mua suina; etu tu tambula malebhu, enu mu tambula o fuma.

I Kolindo 1:28

Nzambi ua soluʼê ima ia mu tobhesa o mundu mu ngongo mumu ni kuila exi, ia sebuluka, ki i te kima, phala a jikinise na-iu ioio ia mu kuila o mundu kuma iene ia beta o ujitu.

Nzuá 13:20

Mukonda ni kidi kiene, ngi mi ambela: Uoso u tambulula muthu nga mu tumu, eme-muène a ngi tambulula; o uoso ua ngi tambulula eme, ua tambulula ue uoso ua ngi tumu.

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Matesu 18:5

Uoso u tambulula, kamona mukuâ ni kaka, mu dijina diami, ua ngi tambulula eme.

Ndongixi 9:16

Bhenhobho nga kiambe muene, ngixi: O unjimu kota o nguzu ndenge; sumbala o unjimu ua ngadiama ka u suuile, o maka mê ka mʼevua jinga.

Jisálamu 119:141

Nga tolo muene, ki ngalʼiki, ngi muthu a ngi tobhesa; maji o ijila ié ki i ngi jimbi, kana.

Jobe 12:5

Mu ixinganeku ia muthu ualʼê kiambote, kubhindama phala muene ki kima; o ió ua teketa kiá inama, muene hanji a mu lundula.

Ngalásia 3:26

Mukonda enu oso mua di bhange mu anʼ a Nzambi, mu kuxikana Kristu Jezú.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Ngalásia 4:15

Enu mua kexile muene ni kutana kuavulu! Kima kiahi kia mi bhitile? Eme ngi mbangi ienu, mbata ngi ki tanga, ngi tona kuila, se kia ẋikinine ku ki bhanga, hinu o mesu menu muene mua ma lokola phala ku ngi bhana-nâ eme.