Ngalásia 3:5 - O Mikanda Ikola

⁵ Manhi o Nzambi mukua ku mi tambuisa o Nzumbi iê, hé u bhanga madiuanu mu ʼaxaxe kenu, kifua ua ki bhangela mukonda enu mualù bhanga ia tumu o Kitumu? Inga ua ki bhangela mukonda enu meuvu, enu mua xikana o maka ma Njimbu Iambote?

Ngalásia 3:5 ပူးပေါင်းရင်းမြစ်များ

Jipoxolo 14:3

Kienʼiki Jipoxolo anga a bhanga thembu iavulu mu Ikônio mueniomo. Ene a bhua uôma ni kutanga o maka ma Ngana. Muène Ngana anga u kala mbangi ia maka ma kiadi kiê, kuma o jipoxolo ua a bhesa o kubhanga isuma ni madiuanu ni maku mâ.

Loma 10:17

Mu kieniiki o kuxikana kuijiia mù kuivua o hundu, o kuivua o hundu, kuijiia ku Njimbu Iambote ia Kristu. Mu kieniiki, o kuxikana kuijiia mù kuivua o ngolokela, o kuivua o ngolokela, kuijiia ku Njimbu Iambote ia Kristu.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

I Kolindo 12:10

Sai ni iú Nzumbi Ikôla i mu bhana kutena kua kubhanga isumua; sai ni iú a mu bhana uanji ua kutala o Maka ma Nzambi. Sai ni iú a mu bhana o kutena kua kuijiia kutungula o uhete u tunda kua Nzumbi Ikôla, ni iú ki u tundu kua Muene. Sai iú a mu bhana kutena kua kuvula jimbimbi jengi ja kuzuela; sai iú a mu bhana o kutena kua kulombolola o jimbimbi jengi jenʼ iji.

II Kolindo 10:4

O mata metu ma ita ki ma tokala mu ngongʼumu, maji mata ma nguzu ni kutena kua Nzambi ma tena kubula o imbaka. Tu lundumuna ikutu ia makutu,

II Kolindo 12:12

Kidi kiene, o ima iedikiza o upoxolo uami, iokalakale mu ʼaxaxe kenu ni muanu uoso. Ijimbuete ia isumua ni madiuanu, ni jinguzu javulu.

II Kolindo 13:3

Kienioko enu mua kà kala ni polova i muandala, kuila Kristu muène ua mu zuelela momuami. Muène-phe kia mi zuelela kène ni kubhuila, maji uidikiza kusuina kuê muʼaxaxi kenu.

II Kolindo 3:8

Se-phe o Kitumu kia tokala kubheka ngó kalunga, kieza ni kubenha kua kikalakalu kia Nzumbi ia Nzambi!

II Kolindo 9:10

O Nzambi mukua kubhana o mbutu phala ku kuna, ni musa ua kudia, uanda ku mi bhana ue o jimbutu joso ji mua bhindamena. Anga u ji sokolola, hé ji bhana ibundu ia kumuna i tunda mu kulenduka kuenu.

Ngalásia 3:2

Nga mʼ ibhula ngó kima kimoxi: Enu o Nzumbi ia Nzambi mua mu tambuila mu kubhanga o imbamba ia Kitumu, inga mua mu tambuila mù kuivua ni kuxikana o Njimbu Iambote?

Filipe 1:19

Kuma nga kʼ ijiia kuila muene muoso mu ngʼ ijila o kujituka, kixi mu kubhinga kuenu ku mualù ngi bhingila, kixi mu kukudila kua Nzumbi ia Jezú Kristu.