Ngalásia 3:10 - O Mikanda Ikola

¹⁰ Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Ngalásia 3:10 ပူးပေါင်းရင်းမြစ်များ

Dimatekenu 4:11

Kiki-phe lamba dié, tundé ku mavu a bhane mu kanu mu kúnua manhinga ma phangʼié, ma tundu ku lukuaku lué.

Izaía 43:28

Kienhiki ue o makota ma thembulu nga a sebulula; o Jakobo nga kà mu bhubhidila, o Izalaiele nga kà mu ta mondo.

Jelemiia 11:3

A tangele-phe: Jihova, O Nzambi ia Izalaiele, uambe kiki: Uoso u kamba kuívua o maka ma kikutu kiki, mukua mázui,

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Izekiiele 18:4

Talesenu, o mienhu ioso iami eme-muène; kala o muenhu ua tata, ni muenhu ua mona uami-eme; muenhu uoso u ta o kituxi, uene u fua.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Loma 4:15

Mukonda o Kitumu ki bhekela njinda. Maji bhua kambe o Kitumu kana-bhu ue kikuma kia kutondala Kitumu.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

II Kolindo 3:7

O kitumu kia Mozé a ki seta ni jilétala, ku mabaia a matadi, o kioso ki a ki bhakuila o mundu, kubenha kua Nzambi kua tukuluka. Bhenhobho-phe o kubenha kua pholo ia Mozé kù jimuka kiá, maji nè kienhokio, hanji muene kua kexidiê kua dikota katé o kifuẋi kia Izalaiele ka tenene ku mu tula mesu ni ku mu tala.

Ngalásia 2:16

Kiene ue etu ki tua xikanena Kristu Jezú, phala Nzambi a tu ẋikinine mu kuxikanʼ oko ku tua xikana Kristu, kana mu kubhanga imbamba ia Kitumu. Mukonda mu kubhanga o imbamba ia Kitumu ki muene dingi mu lungila muthu kua Nzambi.

Matendelelu 27:26

Lamba dia ió uoso ufula kuẋikina kiambe o kitumu kiki, anga udituna ku ki kumbidila. Mundu uoso a kèla: Amén!

Matendelelu 29:20

Jihova phe ka-nda kuẋikina ku mu loloka! inda o njinda ia Jihova ia-nda kuuama, kia ta-ku o difuba diê, mázui moso-phe mòsoneke mu divulu didi ma-nda kuiza ku thandu dia muthu ió, anga u tala na-u hadi; Jihova u mu jima o mbutu bhoxi dia diuluʼabha.