Ngalásia 2:9 - O Mikanda Ikola

⁹ Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Ngalásia 2:9 ပူးပေါင်းရင်းမြစ်များ

II Jisobha 10:15

O kia tundu bheneʼobho, u takana ni Jonadabe, monʼa Lekabe, ua kexi mu kuiza mu ku mu kauidila; Jehu anga u mu menekena, hé u muʼibhula, uixi: Eie o muxima ué kokuʼami ua iuka muene kala o muxima uami ki ua iuka kokuʼé? Kuala Jonadabe: Kiene. Jehu, uixi: Kuabhu-phe, se kiene, ngi bhane ʼkuaku lué. Jonadabe anga u mu bhana lukuaku, o muene hé u mu sungila mu dikalu,

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Luka 22:8

Jezú anga u tuma Phetele ni Nzuá, uixi: Ndenu kà iudikienu o Phasu nda tu i die.

Nzuá 1:42

Anga u mu bheka kua Jezú. Jezú kia mu tale sûi, uixi: Eie Ximá, monʼ a Jona, tunde lelu a-nda ku ku ixana-phe Kefa.

Jipoxolo 12:17

Muène ua a batela ni lúkuaku phala a di xibhe, anga u a kundila kioso Ngana kia mu katula mu ʼaleia. Uixi: Imʼ iii kundilenu-iu Tiiaku ni jiphange. Anga u katuka, uia kididi kiengi.

Jipoxolo 15:13

O kia tula o mahezu, Tiiaku u kumbulula uixi: Enu akuetu, ivenu kunu:

Jipoxolo 15:7

Kia bhiti kufunda kuavulu, Phetele uemana anga ua ambela, uixi: Enu akuetu mu jiphange, mua kʼ ijiia kuma izuua kiá tunde kia ngi solele Nzambi eme mudienu, phala o matumbu a diange kuivua ku dikanu diami o Maka Mambote, nʼa xikane.

Jipoxolo 4:36

Kienhókio Zuze, a mu luka kuala Jipoxolo, exi, Barnabé, (dijina kia kuila muthu u bhuisa uôma), levita a mu vualela mu kikôlo kia Xípele,

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

Loma 15:15

Mu ku mi sonekena-phe o mukanda iú, bhuala ni bhabha ngedi kala nga-bhu uôma mu ku mi ambela makʼ amoxi-mu, u nga mesena o ku mi lembalesa. Nga-bhu uôma mukonda dia kiadi kia ngi bhana Nzambi,

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

II Kolindo 11:5

Eme-phe nga fika kuila jipoxolo jojo kà ngi tundu ni kima!

II Kolindo 12:11

Eme nga zuela kala ngi semenhi, enu-enu-phe mua ngi bhinjika o ku ki bhanga. Nga fuamene enu mu ngi ximana. Kuma jipoxolo jojo ja tundu akuʼâ, ki ja ngi tundu ni kima, sumbala ki ngi kima.

II Kolindo 8:4

kuma a tu bhingile muène ni kudionda kuavulu kutambula o ujitu uenʼiú, ua mukungu ua kubindumuna o akua Ngana ku Judeia.

Ngalásia 1:16

O bhu kithangana kia ngi tukuluila Monʼ ê moxi diami, phala ngi kale ngi muthu ua ku mu kola muène mu Njimbu iê Iambote, ku akua jixi jengi, bhenhobho ki ngʼibhula dingi kima ku muthu uoso-uoso.

Ngalásia 1:18

Kia bhiti-phe o mivu itatu, kiene ki nga bandele ku Jeluzaleme mu ku di mona ni Phetele, anga ngi bhanga-nê kuinhi dia izuua ni itanu.

Ngalásia 2:1

Kia zubha o kubhita kuinhi dia mivu ni iuana-phe, nga bandele dingi ku Jeluzaleme kumoxi ni Barnabé, ni Tito ue ngele-nê.

Ngalásia 2:2

Ngele-phe mukonda dia Ngana ku ngi longesa kuila kia ngi fuama kuia-ku. Kuenhoko anga ngi di bhongoluela mu Kionge ni adiakime a Ngeleja, anga ngi kala mu ku a jimbuila o Njimbu ioso i ngene kuboka mu ʼaxaxe ka akua jixi jengi. Maji nga a jimbuila bhu mbandu, ene ngó a fumana ku uadiakime, ngixi sumba ngedi kala eme-muene ngó nga di tumu, eme nga mu tala ngó hadi.

Ngalásia 6:3

Kuma se o muthu ua di fika kukula, manhi muene ki kima, muene ua dinganala.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Kolose 1:29

O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.