Ngalásia 2:8 - O Mikanda Ikola

⁸ Mukonda, mu kutena kua Nzambi, a ngi bhange ngi Poxolo ia ió ka tokala mu muiji ua Jijudé, kala Phetele kia mu bhange kukala Poxolo ia ió oso a tokala ku muiji ua Jijudé.

Ngalásia 2:8 ပူးပေါင်းရင်းမြစ်များ

Jipoxolo 1:25

phala a tambule kididi mu kukalakala ni etu ku ukunji iú ua upoxolo. Mukonda o Juda kikalakalu ʼiki ua ki tokoka, iu uaii ku kididi kiê kia mu tokala.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 15:12

Kieniokio Mundu uoso anga a dixibha, evidila Barnabé ni Phaulu a mu jimbulula o isumua ni madiuanau ia kalakala Nzambi ni ene mu ʼaxaxe ka matumbu.

Jipoxolo 19:26

Mua mono ue, enu mua kʼ ivu kuila o Phaulu muenʼ iú, kana ngó mu Efezo, maji kua mu kambe ngó kuzubha o Azia ioso, ni kubhomba athu avulu ni ku a funhisa, mbata uala ku a tangela kuma o jinzambi jokalakale ni maku ki jinzambi!

Jipoxolo 21:19

Phaulu kia zubha o ku a menekena, muène ua a kunda mu kimoxi-kimoxi ima ioso ia bhangesa Nzambi mu ukunji uê ku matumbu.

Jipoxolo 22:21

Bheniobho Ngana uixi-phe: Katuka! Eme ngi ku tuma ku makanga, ku matumbu, ió oso ki Jijudé.

Jipoxolo 4:4

Ku athu evu o maka-phe, ku kala avulu a xikana. O mundu ua ia a xikana, anga u tena konda ia midi jitanu.

Jipoxolo 8:17

Anga o Phetele ni Nzuá a tula maku ku thanduʼ a mitue iâ, ene anga a tambula o Nzumbi Ikôla.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

I Kolindo 9:2

Né-mbe athu engi ki ngi kala Poxolo iâ, enu ki ngi kambe kukala ngi Poxolo ienu! Kuma enu muala mu kidimbu kiami kia upoxolo, mukonda dia muenhu uenu u muala na-u mua Ngana.

Ngalásia 3:5

Manhi o Nzambi mukua ku mi tambuisa o Nzumbi iê, hé u bhanga madiuanu mu ʼaxaxe kenu, kifua ua ki bhangela mukonda enu mualù bhanga ia tumu o Kitumu? Inga ua ki bhangela mukonda enu meuvu, enu mua xikana o maka ma Njimbu Iambote?

Kolose 1:29

O mu kuzubha kibatuʼiki, kiene ki nga kuata mu kuxikana o nguzu ia Nzambi, ua fukukukalakela, nga bângama ni nguzu ia muène Kristu ua mu ngi suinisa moxi.

I Tesalonika 2:13

Mukonda dia kiki ue, tuene mù sakidila jinga Nzambi, sé ngó kufula. Kuma o thembu ia mi sange o Maka metu ma Ukunji koko, maka mene ma Nzambi, enu mua evu, mua a tambulula, kana kuma maka a muthu maji kuma ene o Maka ma Nzambi, mu kidi. Mukonda o Nzambi uala ku mi kalakala moxi dienu oso mua xikana.